முல்லைப்பெரியாறு அணையில் கேரள அரசின் அக்கிரமச் செயலை முடிவுக்கு கொண்டுவர ஒரு விவசாயியாக 2002 ல் டெல்லி உச்சநீதிமன்றத்தில் அணையின் நீர்மட்டத்தை 152 அடி உயர்த்தவேண்டும் என வழக்கு தொடுத்து 2006ல் 142 அடி உயர்த்தி கொள்ளலாம் என தீர்ப்பை பெற்றுதந்த மாமனிதர் மேலூர் சீமான் என்ற மீனாட்சி சுந்தரம் அம்பலம்.
இவ்வழக்கிற்காக தனது சொந்தபணத்தை இலட்சக்கணக்கில் செலவழித்தார்.
முல்லைப்பெரியாறு ஒருபோக பாசன விவசாயிகள் சங்க தலைவராக இருந்து அணையின் உரிமைக்காக இவர்நடத்திய போராட்டங்கள் தான் எத்தனை. எத்தனை.
ஒரு அரசாங்கம் செய்யவேண்டியதை ஒரு தனிமனிதனாக செய்துமுடித்த சாதனையாளர் சீமான் அம்பலம்.
2011 டிசம்பர் 20 ல் கேரள அரசுக்கெதிராக ஒரே நாளில் பலலட்சம் மக்களை திரட்டி மதுரையில் பிரமாண்ட பேரணியை நடத்திகாட்டியவர்.
மேலும் இந்த வெற்றி என்பது ஒரு நாளில் கிடைத்த வெற்றியா. முப்பத்தைந்து ஆண்டுகால போராட்டத்திற்கு கிடைத்த வெற்றி.
விவசாயிகள் கூலி தொழிலாளிகள் பொதுமக்கள் வியாபாரிகள் வழக்கறிஞர்கள் மருத்துவர்கள் சமுதாய அமைப்புகள் மாணவர்கள் அரசியல் கட்சிகள் என அனைத்து தரப்பினருக்கும் இந்த வெற்றியில் பங்கு உண்டு.
முல்லைப்பெரியாறு உரிமை மீட்க முழு மூச்சுடன் போராடிய சீமான் அமபலத்தின் மூச்சு இந்த வெற்றி தீர்ப்புக்கு முன்னரே நின்று போனது.
2014 ஆம் ஆண்டு மதுரையில் முல்லைப்பெரியாறு அணையை 142 அடி உயர்த்தியதற்காக 5 மாவட்ட விவசாயிகள் தமிழக முதல்வருக்கு நன்றி பாராட்டி எடுக்கும் பிரமாண்ட விழா. நிச்சயம் இது நடத்தப்படவேண்டிய விழா தான் மாற்றுகருத்தில்லை. ஆனால் இந்த வரலாற்று சிறப்பு மிக்க தீர்ப்பை பெற்றுத்தர வித்திட்டவர் இன்று விலாசமே இல்லாமல் போனாரே .
நல்ல வேலை இந்த புறக்கணிப்பை காண இன்று அவர் உயிருடன் இல்லை. இருந்தால் மனம் நொந்துபோயிருப்பார்.
நவம்பர் 2 , 2011 முல்லை பெரியாறு உரிமை மீட்பு போராளி அய்யா சீமான் விண்ணுலகம் அடைந்தார்.
நிறுவனர் கணேஷ் திரையரங்கு
35 ஆண்டுகளுக்கு பின் தற்போது முல்லை பெரியாறுஅணை 137 அடியை எட்டியுள்ளதை தென்மாவட்ட விவசாய மக்கள் மகிழ்ச்சியுடன் கொண்டாடி வருகின்றனர் .ஆனால் இதற்காக உச்சநீதிமன்றதில் வழக்கு தொடுத்து இழந்த உரிமையை மீட்டுத்தந்த அய்யா சீமான் அம்பலம் இன்று நம்மிடையே இல்லை .
தேசத்திற்கு கொடுப்பவன் தேசியவாதி
தேசத்திலிருந்து எடுப்பவன் அரசியல்வாதி
என்ற பசும்பொன்னாரின் வாக்குகிணங்க வாழ்ந்து காட்டிய அய்யா சீமான் அம்பலத்தை இந்நாளில் போற்றி வணங்குவோம் .
தொகுப்பு : திரு. கலைமணி அம்பலம்
