ஜி. பாஸ்கரன் அம்பலம் என்பவர் ஒரு தமிழக அரசியல்வாதியாவார். இவரது பெற்றோர் கணபதி அம்பலம், இருளாயி அம்மாள் ஆவர். இவர் பத்தாம்வகுப்புவரை படித்துள்ளார். இவரது தொழில் வேளாண்மை. இவருக்கு முனியம்மாள் என்ற மனைவியும், இரு மகன்களும் ஒரு மகளும் உள்ளனர்.
இவர் அமைச்சராவதற்கு முன் கட்சியில் சிவகங்கை சட்டப்பேரவைத் தொகுதி செயலராக இருந்தார். சிவகங்கை ஒன்றியக் குழுத் தலைவராகப் பணியாற்றினார்.இவர் 2016 ஆண்டு தமிழக சட்டமன்றத்துக்கு சிவகங்கை சட்டமன்றத்தொகுதியில் இருந்து தேர்ந்தெடுக்கப்பட்டார். தமிழக அமைச்சரவையில் 2016 ஆண்டு காதி மற்றும் கதர்கிராமத் தொழில்துறை அமைச்சராக நியமிக்கப்பட்டார்.
