சோழபாண்டி என்னும் ஊர், தமிழ்நாட்டின் திருவாரூர் மாவட்டத்திற்கு உட்பட்ட மன்னார்குடி வட்டத்தில் உள்ளது. மன்னார்குடி - முத்துபேட்டை வழித்தடத்தில், மன்னார்குடியிலிருந்து 7 கி.மீ. தூரத்தில், பாமணி ஆற்றின் கீழ்புறம் அமைந்துள்ளது.
நடுத்தெரு, தெற்குத் தெரு, வடக்குத் தெரு, கோலியர் தெரு என நான்கு தெருக்கள் உள்ளன. கடுக்காகாடு என்ற சிற்றூரும் சோழபாண்டியில் உள்ளது.
சோழபாண்டி கிராமத்தில், பெருமளவில் நிலம், தோப்பு முதலியவற்றைச் சொந்தமாகக் கொண்டவர் A .R . மாரியப்பர் மல்லிக்கொண்டார்.
இவர் சிங்கப்பூர் கள்ளர் மகாஜன சங்கத்தின் தலைவராக இருந்தவர் (1925 ).
இவர் தனது சொந்த கிராமத்தில் ஏழை, எளிய மாணவர்களுக்கு தனது மனைவியின் பெயரில் 1927 ஆம் ஆண்டு சோழபாண்டி மீனாட்சி மாரியப்பர் மல்லிக்கொண்டார் தொடக்க பள்ளி ஒன்றை ஆரம்பித்தார். ஏழைகளுக்கு பல உதவிகள் அளித்தார்.
சோழபாண்டி கிராமத்தில் ராஜாளியார் பட்டம் உடையவர்கள் அதிகம் வாழ்கின்றனர். இங்கு மாணிக்க ராஜாளியார் என்ற மிராசுதாரரும் வாழ்ந்தார்.
ஐயா. மாரியப்பர் மல்லிக்கொண்டார் வாரிசுகள் (மகள்கள்), இன்றும் அங்கு வாழ்கின்றனர். இவர்களே பள்ளி நிருவாகம், மில் நிருவாகம் கவனத்துகொள்கின்றார். தற்போது பள்ளியின் 91 ஆம் ஆண்டு விழா நடந்தது.
