கள்ளர் வம்சத்தின் வரலாறு (முக்குலத்தோர்-தேவர்) History Of Kallar Dynasty (Mukkulathor-Thevar)

"கள்ளர்" உலகந்தோன்றிய காலத்தே சூரிய/இந்திர மரபில் தோன்றி ஈராயிரம் பட்டங்களை சுமந்து, பேராசர்களாகவும், சிற்றரசர்களாகவும், படைதலைவர்களாகவும் இருந்து ஆண்ட மரபினர், தாய் மண் பகையழிக்க மாற்றார் அறியாதவாறு, ஒற்றாய்ந்த பின் காலமறிந்து, இடமறிந்து, வலியறிந்து, களம்புகுந்து களிறெரிந்து பெயர்ந்தவர் என்பதால் கள்ளர் என்ற பெயரிலேயே நிலைக்கப் பெற்றனர். கள்ளர் மக்கள் நிலைப்படை கள்ளர் படைப்பற்று என்றும், குடியிருக்கும் தொகுதி "கள்ளர்நாடு" என்று பெயர்பெறும். கள்ளர் ஆயுதம் கள்ளர்தடி என்ற "வளரி". கள்ளர்: பண்டையர்

புதன், 3 ஏப்ரல், 2019

கள்ளர்களால் நடத்தப்படும் ஆண்கள் மட்டும் பங்கேற்கும் அசைவ திருவிழா.

மதுரை மாவட்டம் திருமங்கலம் அருகே ஆண்கள் மட்டுமே பங்கேற்கும் 2019 ஆம் ஆண்டு 120-வது அசைவ அன்னதான விழா நடைபெற்றது. இதனை கரும்பாறை பூசை என்று அழைப்பார்கள். மதுரை மாவட்டத்தில் நன்கு ஐந்து ஊரில் இதுபோல் நடைபெறும்.

மதுரை மாவட்டம் திருமங்கலம் அருகே உள்ள அனுப்பப்பட்டி கிராமத்தில் காவல் தெய்வமாக விளங்கும் கரும்பாறை முத்தையா சுவாமி கோவில் மார்கழி மாத அன்னதான விழா ஆண்டுதோறும் நடைபெறும். இவ்விழாவில் பக்தர்கள் காணிக்கையாக கடந்த ஆண்டு வழங்கிய ஆடுகளை வெட்டி சாமிக்கு படைத்து அன்னதான விழா நடைபெறும்.

சமைத்த சாதத்தை மலைபோல் குவித்து, சமைத்த கறியை அன்னத்தில் படைத்து சிறப்பு வழிபாடு நடைபெறும். அதன் பிறகு 10 க்கும் மேற்பட்ட அண்டாக்களில் சமைக்கப்பட்ட கறிகளை எல்லாம் மொத்தமாக இலைகளில் கொட்டி அவற்றை ஒன்றாக்கி அதன் பிறகு கோவிலுக்கு வந்த ஆண் பக்தர்கள் அனைவருக்கும் ஒரே நேரத்தில் பரிமாறப்பட்டு அன்னதான விழா நடைபெறும்.

இந்த விழாவிற்கு 1 வயது பெண் குழந்தைகள் கூட பங்கேற்க கூடாது என்பது ஐதீகமாக உள்ளது. மேலும் இந்த விழாவில் சாப்பிட்டு கீழே போடப்பட்ட இலைகள் வாடும்வரை இந்த பகுதிக்கே பெண்கள்வரக்கூடாது என்பது அப்பகுதி மக்களின் வழக்கமாக உள்ளது.