செவ்வாய், 22 மே, 2018

மனோரமா கிளாக்குடையார்


"பெண் சிவாஜி " மனோரமா கிளாக்குடையார்

ஆச்சி மனோரமா கிளாக்குடையார் நகைச்சுவைக் கதாபாத்திரங்களில் தனது திறனை வெளிப்படுத்திய இவர் 1500 திரைப்படங்களுக்கு மேல் நடித்து தமிழ்த் திரையுலகினராலும், தமிழ்த் திரைப்பட ரசிகர்களாலும் 'ஆச்சி' என அன்போடு அழைக்கப்பட்டார்.

இவரது இயற்பெயர் கோபிசாந்தா. இவரது பெற்றோர் காசி கிளாக்குடையார் மற்றும் ராமாமிர்தம். மனோரமா தமிழ்நாடு மாநிலத்தில் தஞ்சாவூர்  பகுதி திருவாரூர் மாவட்டத்திலுள்ள ராஜமன்னார்குடியில் வசதியான கள்ளர் குடியில் 26 மே 1937 பிறந்தவர். தந்தை ஒரு சாலை ஒப்பந்தக்காரராகப் பணியாற்றியவர். தந்தை காசி கிளாக்குடையார் மனோரமாவின் தாயின் தங்கையை இரண்டாம் தாரமாகத் திருமணம் புரிந்தார். இதனை அடுத்து கணவனால் புறக்கணிக்கப்பட்ட இராமாமிருதம் மனோரமாவுடன் வறுமையின் காரணமாக காரைக்குடி அருகே உள்ள பள்ளத்தூர் என்ற ஊருக்கு குடிபெயர்ந்தார். 6 ஆம் வகுப்பு வரை படித்துள்ளார். அங்கு அவர்கள் பலகாரம் சுட்டு விற்பனை செய்து வாழ்க்கையைத் தொடங்கினார்கள்.




தனது 12ஆவது அகவையில் நடிப்புத் தொழிலில் இறங்கினார். "பள்ளத்தூர் பாப்பா" என அழைக்கப்பட்டார். நாடக இயக்குனர் திருவேங்கடம், ஆர்மோனியக் கலைஞர் தியாகராஜன் ஆகியோர் இவருக்கு "மனோரமா" எனப் பெயர் சூட்டினர்.


ஆரம்பத்தில் "வைரம் நாடக சபா" நாடகங்களில் சிறு வேடங்களில் நடித்து வந்தார். அக்காலத்தில் புதுக்கோட்டையில் எஸ். எஸ். ராஜேந்திரன் நாடகங்களில் நடித்துக் கொண்டிருந்த போது அவருக்கு மனோரமா பி. ஏ. குமார் என்பவரால் அறிமுகம் செய்து வைக்கப்பட்டார்.

மனோரமாவின் திறமையை அறிந்துகொண்ட இராசேந்திரன் தனது "எஸ்.எஸ்.ஆர். நாடக மன்றத்தில்" சேர்த்துக் கொண்டார். மனோரமா முதன் முதலாக மஸ்தான் என்பவர் இயக்கிய ஒரு சிங்கள மொழித் திரைப்படத்தில் கதாநாயகிக்குத் தோழியாக நடித்திருந்தார். பின்னர் ராஜேந்திரன், தேவிகா நடித்த ஒரு திரைப்படத்தில் இவர் நடித்தார். ஆனால் இத்திரைப்படம் வெளிவராமல் பாதியிலேயே நின்று விட்டது.


இவர் தென்னிந்தியாவின் ஐந்து முதலமைச்சர்களுடன் நடித்த பெருமை கொண்டவர். கா. ந. அண்ணாதுரை, மு. கருணாநிதி இருவரும் நாடக மேடைகளில் மனோரமாவுடன் நடித்திருக்கிறார்கள். தவிர ஜெயலலிதா மற்றும் ம. கோ. இராமச்சந்திரன் இவருடன் தமிழ்த் திரைப்படங்களில் நடித்திருக்கிறார்கள். மேலும் என். டி. ராமராவ் தெலுங்கு படங்களில் இவருடன் நடித்திருக்கிறார்.


மனோரமா 1964 ஆம் ஆண்டில் தனது நாடகக் கம்பனியைச் சேர்ந்த எஸ். எம். ராமநாதன் என்பவரைக் காதலித்துத் திருமணம் புரிந்தார். 


இவர்களுக்கு பூபதி எனும் மகன் பிறந்தார். 1966 ஆம் ஆண்டில் இராமநாதனுடன் மணமுறிப்புப் பெற்று, சென்னையில் தனியாக வாழ்ந்து வந்தார்.

பசும்பொன் முத்துராமலிங்க தேவர்  பெருமான்  பெயரில் உசிலம்பட்டியில் கல்லூரி நிறுவப்பட்ட  சமயத்தில் தலைவர் ஐயா மூக்கையாத் தேவர்களின்  வேண்டுகோளை ஏற்று உசிலம்பட்டி  சென்று நாடகம் நடத்தி  கட்டிடங்கள் கட்டுவதற்கு நிதி சேர்த்து கொடுத்தவர் மனோரமா அவர்கள் தலைவர் மூக்கையாத் தேவர் எவ்வளவோ   கூறியும், சம்பளம் வாங்க  மறுத்ததுடன், ''இது எனது கடமை''ஆச்சி  மனோரமா எனக்  கூறி   பசும்பொன் முத்துராமலிங்க தேவர் பெருமானின் திரு உருவத்தை  வணங்கி , திரு நீற்றையும்   எலுமிச்சம் பழத்தையும் பிரசாதமாக எடுத்துக் கொண்டு  திருப்தியுடன்  சென்றிட்ட பெருந்தகை  ஆச்சி  மனோரமா.


* 1000 திரைப்படங்களுக்கு மேல் நடித்ததற்காக கின்னஸ் உலக சாதனைப் புத்தகத்தில் இடம்பெற்றார்.
* பத்ம ஸ்ரீ விருது – 2002 ஆம் ஆண்டு
* தேசிய திரைப்பட விருது - சிறந்த துணை நடிகை -புதிய பாதை
* 1988 தமிழ்நாடு அரசின் கலைமாமணி விருது மனோரமா தனது 78 ஆவது அகவையில் 10 அக்டோபர் 2015 இயற்கை எய்தினார்.

சிவாஜி மன்றாயர்  - மனோரமாவின் அண்ணன்-தங்கை பாசம் :-

‘நடிகர் திலகம்’ சிவாஜிகணேசனும், மனோரமாவும் திரையுலகில் அண்ணன்-தங்கையாக வாழ்ந்தனர். சிவாஜிகணேசன் நடித்த பல படங்களில் அவருக்கு தங்கையாக மனோரமா நடித்து இருக்கிறார். நிஜ வாழ்க்கையிலும் அவர்கள் இருவரும் உடன்பிறவா அண்ணன்-தங்கையாக இருந்தார்கள்.


இதுபற்றி ஒருமுறை மனோரமா கூறியதாவது:-


‘‘எனக்கும், சிவாஜிக்கும் உள்ள உறவு, அண்ணன்-தங்கை உறவு. இதை உண்மை என்று நிரூபிப்பது போல் என் வாழ்க்கையில் ஒரு சம்பவம் நடந்தது. அந்த சம்பவத்தை என் வாழ்நாளில் மறக்க முடியாது.



எனக்கு எல்லா வகையிலும் பக்கபலமாக, மிகப்பெரிய துணையாக இருந்தவர், என் தாயார். அவர் திடீரென்று இறந்து போனார். என்னால் துயரத்தை கட்டுப்படுத்த முடியவில்லை. தகவல் அறிந்ததும் முதல் ஆளாக என் வீட்டுக்கு வந்தவர், அண்ணன் சிவாஜிதான். என்னை தேற்றியதுடன், எங்கள் குடும்பத்தினர் அனைவரும் நெகிழ்ந்து போகும்படி ஒரு செயலை செய்தார்.

எங்கள் குடும்ப வழக்கப்படி, தாயார் மறைந்தால் முதலில் மகன்தான் கோடித்துணியை தாயார் உடம்பில் போர்த்த வேண்டும். எனக்கு உடன் பிறந்த சகோதரர்கள் யாரும் கிடையாது. இதை நினைத்து நான் அழுது கொண்டிருந்தபோது, அண்ணன் சிவாஜி, என் கூடப்பிறந்த அண்ணனாக விலை உயர்ந்த ஒரு வெண் பட்டுப்புடவையை என் தாயாரின் உடம்பில் போர்த்தினார்.

என்னால் அழுகையை கட்டுப்படுத்த முடியவில்லை. ‘‘அண்ணே, இந்த தங்கச்சி மீது உங்களுக்கு இத்தனை பாசமா அண்ணே’’ என்று கதறி அழுதேன். ‘‘என்னைக்குமே நீ எனக்கு தங்கச்சிதாம்மா’’ என்று என்னை தேற்றினார்

புதன், 16 மே, 2018

பட்டுராசு களப்பாடியார்




அப்போதெல்லாம் ஆற்றில் தண்ணீர் வந்துவிட்டால் கீழத்தஞ்சை அறிவது இரண்டே சாதிகள்தான். சடங்காகக் காலையில் குளிக்கும் ஆண்டைகள். சேற்றிலிருந்து கரையேறி, உடம்பில் படிந்திருக்கும் சேடையைக் கழுவிக்கொள்ள அந்தியில் குளிக்கும் பண்ணையாட்கள்.

ஆண்டையை மிராசுதார் என்பார்கள். அவருக்குச் சில கிராமங்களே சொந்தமாக இருக்கலாம். அவர் குடும்பம் இருக்கும் கிராமம் உள்கிராமம். கிராமத்தில் இருக்கும் மற்றவர்கள் குடிபடைகள். வெண்ணாறு பகுதியில் மன்னார்குடிக்குக் கிழக்கே ஒரு மிராசுதாரருக்கு உள்கிராமம் மட்டும் மூவாயிரம் ஏக்கர் என்பார்கள். ஒரு லட்சம் ஏக்கருக்கு மேல் பாசனமுள்ள கோரையாறு எட்டே குடும்பத்துக்கு இருந்ததாகச் சொல்வ துண்டு. மூன்று ஏக்கரானாலும், மூவாயிரம் ஏக்கரானாலும் அவர் மிராசுதாரர்தான். மன்னனாகவே இருந்தாலும் தஞ்சையை ஆண்டவர்களை ராஜா மிராசுதார் என்று சொல்வதுண்டு.

அந்தக் கால மொழியில் சொல்வதானால், கீழத்தஞ்சை யின் வெண்ணாறு பகுதியில் முக்காலே மூணு வீசம் (பதினாறில் பதினைந்து) ஆட்கள் தாழ்த்தப்பட்டவர்கள். இந்த நிலைமையோடு பண்ணையாட்களாக இருந்ததும் சேர்ந்துகொண்டு அவர்களின் இன்னல் நமது அன்றைய சமுதாயத்தில் உச்சத்தை எட்டியது.


பண்ணையாட்களுக்கு நெல்லாகக் கூலி கிடைக்கும். நடவாட்கள் ஆண்டை வீட்டு மாட்டுக் கொட்டிலைப் பெருக்கிச் சாணி அள்ள வேண்டும். பண்ணைக்கு நடவு நட வேண்டும். நடுவது இடுப்பு ஒடியும் வேலை. நாள் முழுவதும் தண்ணீரிலும் சேற்றிலும் நிற்க வேண்டும். குனிந்த முதுகு சுட்டெரிக்கும் வெயிலில் கொப்பளித்துவிடும். பிறகு களையெடுக்க வேண்டும். வளர்ந்த பயிராக இருந்தால் குனியும்போது கண்ணைக் குத்தும்.

உடம்புக்கு வந்தால் மருத்துவம் கிடைக்காது. தவித்துத் தண்ணீர் கேட்டால் பிடித்துக் குடிக்கச் சொல்லிக் கையில் தண்ணீர் ஊற்றுவார்கள். அணிந்திருக்கும் சட்டையைக் கழற்றிக்கொண்டு ஆண்டை வீட்டுக் குழந்தைகளை நடவாளிடம் தருவார்கள். பிறந்த மேனிக்குக்குத் தீட்டு இல்லை; துணிக்குத்தான் தீட்டு என்பது சாதிய சமூகத்தின் நம்பிக்கை.

ஆட்கள் உட்கார்வதற்கு அங்கே நீளமாக மண்ணால் மேடை கட்டியிருக்கும். சுவரில் இருக்கும் சிறிய ஜன்னல் வழியாக டீ வாங்கிக்கொள்ளலாம். கடைக்கு உள்ளே ஆண்டைகள் உட்கார்வதற்கு மட்டும் விசுப்பலகையும் மேசையும் கிடக்கும். குளிக்கும் நேரம் போலவே, புழங்கும் பாண்டங்களும் வர்க்கத்தை அடையாளப் படுத்தியது. தண்ணீர் குடிக்க வாழை மட்டை, கணவன் மனைவி தகராறு என்றால் ஒருவர் சிறுநீரை மற்றவரை குடிக்க வைத்தல், இருவரையும் இரு தூண்களிலும் கட்டி வைத்து சவுக்கால் அடித்தல், பண்ணையார் நிலத்தில் நூற்றுக்கணக்கான தென்னம்பிள்ளை நடவேண்டும் என்றால் சேரியிலிருந்து ஒருவரை வரவழைத்து, அவர் எதிர்பார்க்காதபோது மூளை சிதறும் அளவிற்கு ஒரே அடியில் வீழ்த்தி குழியில் போட்டு தென்னம் பிள்ளை நடுதல், சாணிப்பால் கொடுத்தல், (சாணிப்பால் என்பது உடம்பை இளைத்து சுருக்கி, கொஞ்சம் கொஞ்சமாக உயிரை கொள்ளும் ஒன்றாகும்) தலைக்கு எண்ணை வைப்பதை அவர்கள் கனவிலும் எண்ணிப்பார்க்க முடியாது. கால்நடைகளை விட கேவலமாக நடத்தப்பட்டனர்.

பண்ணையாட்கள் ஆண்டைகளிடம் விசுவாசம் காட்டாமலில்லை. எப்போதாவது கோபம் வந்து விட்டால், பெயரோடு பட்டத்தையும் சேர்த்துக்கொண்டு, “இதெல்லாம் இந்த பிச்சை வாய்க்காரனிடம் பலிக்காது. எனக்கென்ன சுகந்தையா, சுதந்திரமா?” என்று குமுறிக் கொட்டிவிடுவதுண்டு. ‘சுதந்திரம்’ என்பது விடுதலையல்ல, அவர்களே நட்டு அறுவடை செய்துகொள்ளும்படி பண்ணை யாட்களிடம் விட்டுவைக்கும் நிலத்துக்குப் பெயர்தான் சுதந்திரம். தாங்களாகவே உரிமையோடு எடுத்துக்கொள்ளும் சில வரும்படிகளுக்கும் ‘சுதந்திரம்’ என்று பெயர். நாட்டின் விடுதலைப் போராட்டம் சுதந்திரத்தின் பொருளைச் சுருக்கிவிட்டது.

இங்கு ஆண்டைகளாக இருந்தவர்கள் பெரும்பாலானவர்கள் கள்ளர்கள் என்றாலும் அனைவருமே கொடுமைக்காரர்கள் அல்ல. பண்ணையாட்களை கொடுமை செய்த சிங்கலாந்தி அய்யர், நல்லாவூர் பண்ணையார் மகாலிங்க அய்யர், விளாத்தூர் கிராமத்தில் நிலப்பிரபு சுப்பிரமணிய அய்யர் போன்றவர்கள் தான் புரட்சியாளர்களால் கொல்லப்பட்டனர்.

இந்த பண்ணையாட்கள் உரிமைக்காக, நிலவிய கொடுமைகளுக்கு எதிராக போராடி தாழ்த்தப்பட்ட மக்களின் சுயமரியாதையை மீட்டு தந்தவர்கள் இங்கு ஆண்டைகளாக கோலாச்சிய, அதே கள்ளர் குடியில் பிறந்த எல்.இராமலிங்கம் , வெங்கடேச சோழகர், பட்டுராசு களப்பாடியார் போன்றவர்கள் தான்.

பட்டுராசு களப்பாடியார் இந்தப் பகுதி இளைஞர்களில் ஒரு பகுதியினரைப் போலவே அவரும் சிங்கப்பூர் செல்கிறார். வட்டக்குடி இரணியன் சிங்கப்பூரில் ரௌடிகள் அழித்தொழிப்பு நடவடிக்கையிலும் நேரடியாக ஈடுபடுகிறார். அவருக்குப் பட்டுராசு களப்பாடியார், துரைசாமி போன்ற தீரமிக்க இளைஞர்கள் உதவியாக இருக்கின்றார்கள்.

இரணியன் துறைமுகத் தொழிற்சங்கத் தலைவர் பதவியை உதறிவிட்டு வந்த பிறகு, வீரசேனன் தலைவராகவும் பட்டுராசு களப்பாடியார் காரியதரிசியாகவும் இருந்தார்கள். ஆங்கிலேயே அரசாங்கத்தின் நெருக்குதல் தாங்க முடியவில்லையாம். ஒருநாள் அதிகாரிகள் மீது குண்டு வீசியிருக்கிறார்கள். துறைமுகத் தொழிற்சங்கத்தைத் தடை செய்துவிட்டார்களாம். வீரசேனனும் பட்டுராசுவும் தப்பித்து மலேசியாவுக்கு ஓடிவிட்டார்களாம். வீரசேனன் திரும்ப சிஙகப்பூர் வரும்போது, பிடித்து, ஆங்கிலேயே அரசாங்கம் சுட்டுக்கொன்றுவிட்டது. பட்டுராசு களப்பாடியார் மாறுவேடத்தில் தப்பி இந்தியாவந்துவிட்டார்.

தமிழகத்தில், ஒருங்கிணைந்த தஞ்சை மாவட்டத்தில் அந்த காலகட்டத்தில் போராடிக் கொண்டிருந்த கம்யூனிஸ்ட் கட்சித் தோழர்களுடன் இணைந்து போராடத் தொடங்குகிறார்.


பட்டுராசு களப்பாடியார் தனது கிராமமான நெம்மேலியில் பள்ளிக்கூடம் ஆரம்பித்து அதில் தன்னுடன் சிங்கப்பூரில் வேலை செய்த தாழ்த்தப்பட்ட ஆசிரியர்களைப் பணியமர்த்தினார். அனைத்து மாணவர்களையும் ஊரில் உள்ள பிள்ளையார் கோவிலுக்கு அழைத்துச்சென்று அதிர்வை ஏற்படுத்தினார்.

இவர் 70-களில் நாகப்பட்டிணம் நாடாளுமன்ற தொகுதிக்கு பொதுவுடைமை கட்சி சார்பாக போட்டியிட்டு தோற்றவர்.

தியாகி பென்சனுக்காக கேட்டபோது மக்களுக்காக போராடியதற்காக கூலி வாங்குவது தவறு என அதை மறுத்தவர். புகழைக்கூட கூலியாக பெற விரும்பாதவர்.

அவரை மதிக்கும் விதமாக மன்னார்குடி-யை அடுத்த கீழநெம்மேலி என்ற கிராமத்தில் பறையர் வாழும் பகுதிக்கு கே.பி நகர் என்று அவர்களே பெயர் வைத்துள்ளனர்.

சனி, 5 மே, 2018

கள்ளர் ஜல்லிக்கட்டு




கள்ளர் நாடுகளில் மட்டுமே உள்ளன ஜல்லிக்கட்டிற்கான உட்கட்டமைப்புகள். அக்காலத்தில் சிறந்த ஜல்லிக்கட்டு நடைபெறும் இடங்களாக திருமங்கலம் மற்றும் மேலூர் பகுதிகள் குறிக்கப்பட்டுள்ளன. முக்கியமாக கள்ளர் வாழும் கிராமங்களில், அதிலும் திண்டுக்கல் மாவட்டத்தில் கள்ளர்களால் மட்டுமே ஜல்லிக்கட்டு போட்டிகள் நடத்தப்பட்டுள்ளதாக குறிக்கப்பட்டுள்ளது.


மஞ்சுவிரட்டு அல்லது ஜல்லிக்கட்டு அல்லது ஏர்தழுவுதல் கள்ளர் கிராமங்களில் அதிக அளவில் நடைபெற்றுள்ளது. காலை 8 மணியளவில் போட்டிகள் தொடங்கும், மாட்டின் கொம்பு அல்லது கழுத்தைச்சுற்றி துணிகளை கட்டியிருப்பார்கள். " டம் டம்" என ஒலி ஒலிக்க கூடியிருக்கும் மக்களின் சத்தம் அதிரவைக்க போட்டி துவங்கும். காளைகளை முரட்டுதனமாகவும் அதே சமயத்தில் சமயோசிதமாகவும் செயல்பட்டு அடக்கிப்பிடித்து, துணியை அவிழ்ப்போர். அவர் அந்த நாளின் நாயகனாக கொண்டாடப்படுவார் சன்மானமாக மாட்டின் கொம்பில் சுற்றி வைக்கப்பட்ட துணியில் உள்ள பணம் அன்பளிப்பாக தரப்படும். பொங்கல் நாளிலிருந்து இரண்டு மாதங்கள் அனைத்து கள்ளர்வாழும் பகுதிகளிலும் நடைபெறும். உடல் வழுவில்லாமல், போதிய அறிவில்லாதவர்களுக்கு இங்கு காயங்கள் பரிசாக தரப்பட்டுள்ளன காளைகளால். 

ஏழுகிளை கள்ளர் சீமையான தேவகோட்டை,கள்ளர் நாடான கண்டதேவியில் சிறுமருதூர் இராஜ்குமார் அம்பலகாரர் தலைமையில் நடைபெற்ற வடமாடு மஞ்சுவிரட்டு. கீழே 




வடமாடு மஞ்சுவிரட்டு என்பது சாதாரண ஜல்லிக்கட்டு போட்டியில் இருந்து வேறுபட்டது. செம்புலி ஆட்டிற்கு கிடைபோடுவதுபோல சுற்றி வட்டவடிவில் தடுப்பு கம்பிகள் அமைக்கப்பட்டிருக்கும். ஒரு காளை அதிகபட்சம் 25 நிமிடங்கள் களத்தில் விளையாடும். அதுபோல வீரர்களும் கபடி விளையாட்டை போல 7-10 நபர்கள் மட்டுமே ஒரு போட்டிக்கு உள்ளே அனுமதிக்கப்படுவார்கள். மிகவும் ஆக்ரோஷமாக நடைபெறும் இப்போட்டியில் பரிசுகளும் அதிகம். இரண்டாம் ஆண்டாக இப்போட்டியை நடத்தி சிறப்பித்துள்ளார்கள் கள்ளர்குல முத்துராமலிங்கம் அம்பலகாரர் வம்சத்தார்கள்.



தஞ்சை ,திருச்சி மண்டலங்களில் உள்ள கள்ளர் நாடுகளில் ஜல்லிக்கட்டு போட்டிகள். பெரிய சூரியூரில் மாட்டுப்பொங்கல் அன்றும். கூத்தாப்பாரில் பிப்ரவரி மாதத்தில் வரும் சிவன் இராத்திரி அன்றும். அன்பில், துவாக்குடி, நவல்பட்டு, பூதலூர் கோவில் பத்தில் மார்ச்சு,  மே மாதத்தில் நடக்கும்.

புத்தகம் :மதுரை மாவட்டம் ஜல்லிக்கட்டு(ஆண்டு :2000), ஆசிரியர் : சிவக்கொழுந்து

பாரம்பரியமாக ஜல்லிக்கட்டுகள் நடைபெறுவது மதுரை கள்ளர் நாடுகளிலே. மேலூர், திருமங்கலம் போன்ற கள்ளர் நாட்டு பகுதிகளில் சிறந்த ஜல்லிக்கட்டுகள் நடந்தன். ஜல்லிக்கட்டுகள் கள்ளர்களால் மிக அதிகமான ஆர்வத்துடன் விளையாடப்படுகிறது ( Madurai manual nelson கிபி 1890)


ஜல்லிக்கட்டு ---- 130 ஆண்டுகளுக்கு முன் எழுதப்பட்ட புதுக்கோட்டை சமஸ்தான வரலாற்று குறிப்புகளில் (Manual of pudukkottai state vol 1 P 73) இந்த மாடுபிடி விளையாட்டு ஜல்லிக்கட்டு (இ) மஞ்சுவிரட்டு என அழைக்கபடுகிறது. ஜல்லிக்கட்டு நடப்பதற்கு முன் தப்பு அடிப்பவர்களால் அருகாமையிலுள்ள கிராமங்களில் ஜல்லிக்கட்டு குறித்து விளம்பரம் செய்யப்படுகிறது. ஜல்லிக்கட்டு நடைபெறும் தினமன்று காலை 8 மணி அளவில் மாட்டின் கொம்புகளிலும், கழுத்திலும் துணி கட்டப்பட்டு அதில் காசு முடியப்பட்டிருக்கும். ஜல்லிக்கட்டு நடைபெறும் நாளில், தப்பு அடிகப்பபட்டு, மக்கள் ஆரவாரத்துக்கு இடையே, காளைகள் விடப்படும். காளைகளை அடக்குபவர்கள் கொம்பிலுள்ள பண முடிப்பை எடுக்க முயற்சிப்பர், காளைகளை அடக்கியவர்கள் நாயகர்களாக கொண்டாடப்பட்டனர்.


ஜல்லிக்கட்டு விளையாட்டு பொங்கலுக்கு அடுத்த நாளில் இருந்து தொடங்கி 2 மாதங்கள் நடைபெறுகிறது. புதுக்கோட்டை யின் கள்ளர் வாழும் கிராமங்களில் ஜல்லிக்கட்டு நடைபெறுகிறது. ஜல்லிக்கட்டு பற்றிய குறிப்புகள் 6 ஆம் நூற்றாண்டில் இயற்றப்பட்ட கலித்தொகையில் காணப்படுகின்றன.






திண்டுக்கல்லில் நடைபெறும் ஜல்லிக்கட்டின்போது கள்ளர்களே பூசாரியாக செயல்பட்டு அங்குள்ள தெய்வத்திடம் குறிகேட்கும் உரிமை உடையவர்கள்.இச்சமயத்தில் அவர்கள் உரோமானிய வேளாண்மை தெய்வத்தின் பூசாரிகளை போல பிராமணர்களை விட உயர்ந்தவர்களாக தங்களை கருதி ஆணவம் கொள்வர்.


திண்டுக்கல் சல்லிக்கட்டு விளையாட்டில் தீரமிக்க சாதியாளர்கள் கள்ளர்களே. அதிக ஈடுபாட்டை இவ்விளையாட்டிற்கு காட்டுகின்றனர். பல ஊர்களில் தனியே இதற்காகவென்றே சாதிக்காளைகளை வளர்க்கின்றனர்.

கள்ளர்கள் வாழும் பகுதியான திருமங்கலத்திலேயே மிகச்சிறந்த  ஜல்லிக்கட்டை காணலாம். இதற்கு அடுத்தபடியாக மேலூரில் நடைபெறுவதை கூறலாம். இதன்மூலம் அலங்காநல்லூர்,பாலமேடு, அவனியாபுரம் ஜல்லிக்கட்டு போட்டிகள் எல்லாம் தற்காலத்தில் சிறப்படைந்தவை என கொள்ளலாம்.

கவர்னர் பிரமலை நாட்டில் சுற்றுப்பயணம் செயதார். கவர்னர் சிந்துபட்டிக்கு வருகிறபோது அந்தப்பகுதியில் வழக்கமாக நடைபெறும் ஜல்லிக்கட்டு விழா ஏற்பாடு செய்து, அதில் கள்ளர் சமூகத்தினர் மாடுபிடிப்பதை கவர்னர் பார்க்கும்படி ஏற்பாடு செய்திருந்தனர். சீறிப்பாய்கின்ற முரட்டுக்காளைகளை முரட்டுத்தனமாகப் பாய்ந்து காளைகளை அடக்கும் கள்ளர் சமூகத்தினரை கவர்னர் பார்த்தால், இப்படி முரட்டுத்தனமாக உள்ள ஒரு சமூகத்தினரை அடக்க சி..டி.ஆக்ட் போன்ற கடுமையான சட்டம் தேவைதான் என்று கவர்னர் முடிவெடுத்துவிடுவார். அதன்மூலம் சி.டி.ஆக்ட்டை ரத்து செய்யாமல் தடுத்துவிடலாம் என்று சூதுமதிகொண்டவர்கள் இந்த ஜல்லிக்கட்டு விழாவிற்கு ஏற்பாடு செய்திருந்தனர். 

இந்த சதியைப்புரிந்துகொண்ட தேவர் திருமகன், உள்ளங்கை அளவுள்ள(1 x 16 சைஸ்) ஒரு துண்டுப் பிரசுரத்தில்,”சிந்துபட்டிக்கு கவர்னர் வரும்போது நடக்கும் ஜல்லிக்கட்டு விழாவிற்கு யாரும் மாடுகொண்டு போகவோ , மாடுபிடிக்கப்போகவோ கூடாது. அப்படியாரேனும்போனால், அவன்தான் இனதுரோகி” என்று குறிப்பிட்டார். அவ்வளவுதான். கவர்னர் வருகிற அன்று செக்கானூரனியிலிருந்து உசிலம்பட்டி வரை யாருமே சாலையில் நடமாடவில்லை. கவர்னர் சிந்துபட்டி ஊருக்குள் நுழைந்ததும் ஊரே மயான அமைதியாக காட்சி தந்தது. கவர்னர் திகைத்துப்போய், “என்னமோ விழா என்றீர்கள். ஊரில் ஒரு காக்கை குருவியைக்கூட காணவில்லை. ஊரில் ஆள் அரவம் அற்று காட்சி அளிக்கிறதே ஏன்?” என்று கேட்டார். அப்போது மதுரை கலெக்டர் தேவர் வெளியிட்ட கையகல நோட்டீஸைக்காட்டி “தேவர் ஜல்லிக்கட்டைப் பகிஷ்கரிக்கும்படி விடுத்த அறிக்கையால்தான் மக்கள் யாரும் ஜல்லிக்கட்டுக்கு மட்டுமல்ல. தங்கள் வருகையையும் பகிஷ்கரித்துவிட்டனர்” என்று கூறினார். அப்போது கவர்னர் மூக்கிலே விரலைவைத்து, “ஒரு கையகல நோட்டீஸில் ஒரு நாட்டையே கட்டுப்படுத்தக்கூடிய அவ்வளவு செல்வாக்கு படைத்த தலைவரா தேவர்?” என்று ஆச்சரியப்பட்டார்.

வியாழன், 3 மே, 2018

கவிஞானி டாக்டர் அ. மறைமலையான் மண்கொண்டார்



கவிஞானி டாக்டர் அ. மறைமலையான் தஞ்சாவூர் மாவட்டம் உரத்தநாடு , கண்ணன்தன்குடியில் 08 .07 .1932 ஆண்டு ஐயா சு.து. அய்யாசாமி மண்கொண்டார், முத்தம்மாள் அம்மையாருக்கு மகனாக பிறந்தார் .

இவர் 1953 ஆண்டு முதல் தனது எழுதுகோல் பயணத்தை தொடங்கினார். தமிழக அரசின் பாவேந்தர் விருது பெற்ற பாவலர். பேரறிஞர் அண்ணா விருது, கலைமாமணி விருது பெற்றவர்.


இவர் எழுதிய நூல்கள் 50 க்கு மேலே. இவர் தமிழக அரசிடம் இருந்து 'ஒரு தமிழ் பூ தவிக்கிறது" , அண்ணாவின் பெருவாழ்வு என்ற நூல்களுக்கு பரிசும், காட்டு மல்லிகை என்ற நூலிற்கு அனைத்திந்திய வானொலி நாடக போட்டியில் பரிசும் பெற்றுள்ளார்.


நிலவில் பூத்த நெருப்பு என்ற அறிவியல் புதினம், அன்னை தெரசா வாழ்கை வரலாறு, 'ஒரு தமிழ் பூ தவிக்கிறது' காவியம் கல்லூரி, பள்ளி மாணவர்க்கு பாட நூல்களாக உள்ளது.

போர் வாள், போல்ட் இந்தியா, நவமணி நாளிதழ்கள் தலையங்க ஆசிரியர், Guiding Light ஆங்கில இதழின் ஆசிரியர், மக்கள் பாதை மலர்கிறது என்ற மாத இதழின் ஆசிரியராக இருந்தார்.


தாய்லாந்து தலைநகர் பாங்காக்கில் 1988 இல் நடைபெற்ற உலக கவிஞர் மாநாட்டில் தாம் ஆங்கிலத்தில் எழுதிய 'TREES ARE MY TEACH " என்னும் கவிதைக்கு பாராட்டுப்பெற்றவர்.


உலக தமிழ் எழுத்தாளர் பேரவை, மக்களாட்சி பாதுகாப்பு இயக்கம் போன்ற அமைப்புகளின் தலைவர். மலேசியா, சிங்கப்பூர், தாய்லாந்து, இலங்கை நாடுகளுக்கு இலக்கிய பயணம் மேற்கொண்டு ஆய்வுகள் செய்தவர்.


பாவேந்தர் விருதுப் பாவலர் அ.மறைமலையான் ஒரு நிகழ்வில் பேசும்போது - கலைவாணர் என்.எஸ்.கிருஷ்ணன் தான் முதல் புரட்சி நடிகர் என்றார். அப்பொழுது எம்ஜிஆர் பற்றாளர்கள் அதனை எதிர்த்துக் கேள்வி கேட்ட வேளையில் - உங்கள் எம்ஜிஆர் மூன்றாவது புரட்சி நடிகர் - எனப் பட்டென்று பதிலளித்தார். அப்படியானால் இரண்டாவது புரட்சி நடிகர் யார் - என ஆவலோடு கேட்டனர். எம்ஆர்இராதா தான் என்றவுடன் ஆவேசப்பட்டவர்கள் ஆமோதித்தபடி அமைதியாகி விட்டனர்.

செவ்வாய், 1 மே, 2018

கள்ளர் என்று திருநாமம் கொண்டவன் பெருமாள்



ஆதித் தமிழ் இலக்கணமான தொல்காப்பியம் நானிலங்களுள்
முல்லைக்குரிய தெய்வமாகத் திருமாலைக் குறிப்பிடுகின்றது.

மாயோன் மேய காடுறை உலகமும் " என்பது நூற்பா, திருமால் விரும்பிய காடு பொருந்திய முல்லை நிலம். முல்லையின் தெய்வம்பின்னர் நிலம் கடந்த தெய்வமாய்த் திருமால் வணங்கப்பட்டத்தைச் சங்க இலக்கியங்கள் (கி.மு.500-கி.பி.300) காட்டுகின்றன.

‘சங்கப்     பாடல்களில்     மிகுதியாகக் குறிக்கப்பெறும்
தெய்வம் திருமாலே’ என்பது அறிஞர்கள்  கருத்தாகும்.

மன்னவர்க்குத் திருமாலை உவமை கூறும் மரபினைச் சங்க நூல்களிற் காணலாம். 

மாயோன் மேய மன்பெருஞ் சிறப்பின்
தாவா விழுப்புகழ்ப் பூவை நிலையும்
(தொல்.புறத்: 5)

“மாயோனைச் சிறப்பித்து, ஏத்திய குறையாத சிறந்த புகழையுடைய பூவை நிலையும்” என்பது இதன் பொருளாகும். 

புறநானூற்றில் திருமால் ‘பூவைப் பூவண்ணனாகத் திகழும்
கண்ணனையும் அவன் அண்ணனாகிய பலதேவனையும் போல நிலைபெறுக’ என்று இருபெருவேந்தர் ஒருங்கிருந்த காட்சிகண்டு வாழ்த்துகிறார் புறநானூற்றுப் புலவர்     காவிரிப்பூம்பட்டினத்துக் காரிக்கண்ணனார். 

நூல் கடியலூர்     உருத்திரங்     கண்ணனார் இயற்றிய பெரும்பாணாற்றுப்படையில் பாட்டுடைத் தலைவனான தொண்டைமான் இளந்திரையன் என்பான் கரிய நிறத்தையுடைய திருமால் மரபில் உதித்த     சோழர்களின்     வழி வந்தவனாகக் கொண்டாடப்படுகிறான். 

இடையர்கள் (கோனார்கள்) வைணவ வழிபாட்டினராக குறிப்பிட்டாலும், அவர்கள் தங்கள் அடையாளத்தை இங்கு ஊன்றவில்லை, ஆனால் கள்ளர்கள் வலிமையாகத் தங்கள் அடையாளத்தைப் பதிந்துள்ளனர். இங்கு நிலங்களைக் கைப்பற்றித் தங்கள் கடவுளுக்குக் கோயில்களை உருவாக்கியிருக்கிறார்கள். தங்கள் தெய்வமான திருமாலுக்குக் கோயில்கள் எடுத்துள்ளனர். பன்னிரண்டு ஆழ்வார்களில் ஒருவர் கூட இடையர்கள் அல்ல என்பது குறிப்பிடத்தக்கது ஆனால் ஆழ்வார்களில் திருமங்கையாழ்வாரும் மற்றும் திருக்கண்ணபுரம் முனையதரையன் போன்றவர்கள்  திருமாலைப் போற்றி வாழ்ந்தனர்.   

உள்ளம் கவர்ந்த கள்வன், உலகைக் கவர்ந்த ஆழ்வான்!

இப்படி தமிழ் நாடெங்கும் கோவில் கொண்ட முல்லை நிலத்து மாதவன் எங்கே எல்லாம் கள்ளர் என்று திருநாமம் கொண்டுள்ளான்.


ஸ்ரீ கள்ளழகர் 


கோவில் : அருள்மிகு கள்ளழகர் திருக்கோயில்
ஊர் : அழகர் கோவில், மதுரை.
பழமை : 1000-2000 வருடங்களுக்கு முன்

"திருமாலிருஞ்சோலை வஞ்சக்கள்வன் மாமாயன்!"

தல்லாகுளம் ராமநாதபுரம் சேதுபதி மண்டபத்தில் இருந்து வண்ண வண்ண துணிகளாலும் வண்ண வண்ண மலர்களாலும் அலங்கரிக்கப்பட்ட பூப்பல்லக்கில் கள்ளர் திருக்கோலத்தில் அழகர் கோவில் மலைக்கு கள்ளழகர் புறப்படுவார். இந்த பெருமாளை நம்மாழ்வார், "வஞ்சக்கள்வன் மாமாயன்' என்கிறார்.

பஞ்சாயுதம் (சங்கு, சக்கரம், கதை, வில், வாள்) தாங்கிய நிலையில் நின்ற திருக்கோலத்தில் பெருமாள் காட்சி தருகிறார். பெருமாளின் மங்களாசாசனம் பெற்ற 108 திவ்ய தேசங்களில் இது 93 வது திவ்ய தேசம்.


ஸ்ரீ திருக்கள்வப்பெருமாள்


கோவில் : அருள்மிகு கள்வப்பெருமாள் சுவாமி திருக்கோயில்
ஊர் : திருக்கள்வனூர். (காஞ்சி காமாட்சி அம்மன்கோயிலின் உள்ளே), காஞ்சிபுரம்.
பழமை : 1000-2000 வருடங்களுக்கு முன்

மூலவர் கள்வப்பெருமாள் நின்ற கோலத்தில் உள்ளார். பெருமாளின் மங்களாசாசனம் பெற்ற 108 திவ்ய தேசங்களில் இது 55 வது திவ்ய தேசம்.


ஸ்ரீ கள்வர் பெருமாள்


கோவில் : அருள்மிகு உலகளந்த பெருமாள் திருக்கோயில்
ஊர் : திருக்கார்வானம், காஞ்சிபுரம்.
பழமை : 1000-2000 வருடங்களுக்கு முன்

திவ்ய தேசங்களில் 53 வது, இறைவன்: கள்வர்-நின்றகோலம். நவநீத சோரன், வெண்ணெய் உண்ட கள்வன்.

"கள்வர் பெருமாள் கார்வானத்துள்ளாய் கள்வா" என இத்தலத்து பெருமாளின் பெயரையும் சேர்த்து திருமங்கையாழ்வாரால் மங்களாசாசனம் பெற்ற தலம் இது.


ஸ்ரீ கள்ளபிரான்


கோவில் :  ஸ்ரீ  கள்ளபிரான்
ஊர் : திருவைகுண்டம், தூத்துக்குடி
பழமை : 1000-2000 வருடங்களுக்கு முன்

வைகுண்டநாதர் கோவில், 108 திவ்ய தேசங்களுள் ஒன்று. இத்தலம் நவதிருப்பதிகளில் ஒன்றாகவும் உள்ளது. 12 ஆழ்வார்களால் பாடப்பெற்ற நவதிருப்பதிகளில் முதல் திருப்பதியாகக் கருதப்படும் இத்தலம், நவக்கிரகங்களில் சூரியனுக்குரியது. உற்சவர் சோரநாதர் (கள்ளபிரான்) பூதேவி, ஸ்ரீதேவியுடன் காட்சி தருகிறார்; தாயார் சோர நாச்சியார். இரண்டு தாயார்களுக்கும் தனித்தனி சன்னிதியும், நரசிம்மர் சன்னிதி, கோதண்டர் சன்னிதியும் உள்ளன.



ஸ்ரீ கள்ளர் பிரான்






கோவில் :  ஸ்ரீ கள்ளபிரான்

ஊர் : கங்கைகொண்டான், திருநெல்வேலி

பழமை : 1000-2000 வருடங்களுக்கு முன்

திருநெல்வேலியில் இருந்து 18 km தொலைவில் உள்ள கங்கைகொண்டான் என்னும் இடத்தில் உள்ள ஸ்ரீ கள்ளபிரான் ஆலயம். பாண்டிய மன்னரால் கட்டப்பட்ட கோயில்.

மூலவர் ஸ்ரீ பெருந்தேவி ஸ்ரீகுமுதவல்லி சமேத ஸ்ரீ வைகுண்டபதி.

உற்சவர் ஸ்ரீதேவி பூதேவி சமேத ஸ்ரீ கள்ளபிரான்.

உள்ளே கருடன், விஷ்வக்சேனர், நம்மாழ்வார், ராமானுஜர், ஆஞ்சநேயர் மற்றும் சக்கரதாழ்வார் சன்னதி உள்ளது.பெரிய மணி மண்டபம்.அர்ச்சகர் கோவிந்த பட்டாச்சார்யார் தள்ளாத வயதிலும் கோயிலையும் பெருமாளையும் சிறப்பாக வைத்து இருக்கிறார். பக்கத்தில் சிறப்பு வாய்ந்த ஆனந்தவல்லி சமேத கைலாசநாதர் கோயில் உள்ளது.



ஸ்ரீ கள்ளர் பிரான்

                                                                                      கள்ளர்பிரான் கருடசேவை

கோவில் : அருள்மிகு பிரசன்ன வெங்கடேசர் திருக்கோயில்
ஊர் :  திருமலைவையாவூர், செங்கல்பட்டு.
பழமை : 500 வருடங்களுக்கு முன்

கள்ளர்பிரான், சீனிவாசர் என இரண்டு உற்சவர்கள் இருக்கின்றனர். சித்திரை பிரம்மோற்ஸ்வத்தில் கள்ளபிரானும், புரட்டாசியில் சீனிவாசரும் தேர் பவனி செல்கின்றனர்.  

தொண்டைமான் மன்னர் ஒருவர் தன் நாட்டிற்கு பாதுகாப்பு வேண்டி வெங்ஙடாசலபதியை வேண்டிய போது அவருக்கு அருள் செய்தார். தொண்டைமான் இந்த மலை மீது சுவாமிக்கு கோயில் கட்டினார்


ஸ்ரீ கள்ளர் திருக்கோலம் 


கோவில் : அருள்மிகு ஆண்டாள் திருக்கோயில், 
ஊர் :   ஸ்ரீவில்லிபுத்தூர், விருதுநகர் 
பழமை : 1000-2000 வருடங்களுக்கு முன்

ஸ்ரீவில்லிபுத்தூர் ஆண்டாள் கள்ளர் திருக்கோலம்.

ஸ்ரீரங்கத்தில் அருளும் ரெங்கநாதரை மணம் முடித்துக்கொண்ட ஆண்டாள் அணிந்த மாலை திருப்பதி வெங்கடாஜலபதி, மதுரை கள்ளழகர் சுவாமிக்கு கொண்டு செல்லப்படுகிறது. இதற்கான காரணம் இதுதான்.ஆண்டாள், கண்ணனை கணவனாக அடைய இவ்விரு பெருமாள்களிடமும் வேண்டிக்கொண்டாளாம்.

பெருமாளின் மங்களாசாசனம் பெற்ற 108 திவ்ய தேசங்களில் இது 90 வது திவ்ய தேசம். வலது கையில் பெந்துகோல் (தற்காப்பு கோல்), இடக்கையில் செங்கோல், இடுப்பில் உடைவாளும் வைத்து ராஜகோலத்தில் இருக்கிறார். இவர் காலில் செருப்பும் அணிந்திருப்பது விசேஷம்.


ஸ்ரீ கள்ளர் திருக்கோலம் 


கோவில் : தாடிக்கொம்பு சவுந்திரராஜ பெருமாள் 
ஊர் :   திண்டுக்கல்
பழமை : 1000-2000 வருடங்களுக்கு முன்

பூப்பல்லக்கில் கள்ளர் திருக்கோலம் பூண்டு மேற்கு ரத வீதி, தாடிக்கொம்பு ரோடு வழியாக வலம் சென்று அங்கு நகர் தோட்டத்தில் இரவு தங்குவார்.


கள்வன் கொல் உற்சவம்


கோவில் :சிந்தனைக்கினியான் 
ஊர் :   திருவாலி - திருநகரி
பழமை : 1000-2000 வருடங்களுக்கு முன்

கோவில் : இரட்டைத் திருப்பதிகளான திருவாலி - திருநகரி என்பது 108 திருப்பதிகளில் ஒன்று. திருமங்கையாழ்வார் அவதாரச் சிறப்பினால் ஏற்றம் பெற்ற தலம்.

திருமங்கையாழ்வார் தம்பதிகள், வழிபட்ட சிந்தனைக்கினியான் என்கிற பெருமாள் விக்கிரகத்தை இன்றும் திருநகரி திருக்கோயிலில் தனிச் சந்நிதியில் காணலாம். திருமங்கையாழ்வாருக்கு இச்சந்நிதியில் தனிக் கொடிமரமும் உண்டு. கார்த்திகை மாதத்தில் 10 நாட்கள் ஆழ்வாருக்கு உற்சவம் நடைபெறுகிறது. அதில் மிக முக்கியமான உற்சவம் கள்வன் கொல் எனும் உற்சவம். ஆழ்வார் ஞானம் கனிந்து பெண் தன்மையில், பரகால நாயகியாகத் தன்னை பாவித்துப் பதிகம் பாடினார். அன்றைய தினம் இத்தலத்துப் பதிகமான, அவரது ‘கள்வன் கொல்’ என்ற பதிகம் சேவிக்கப்படும்.

கள்ளர் செய்தான்



பசுவைக் கொல்லும் முஸ்லீம்கள் ஆதிக்கத்தில் இன்று இருக்கும் பாகிஸ்தானில் ராவல்பிண்டிக்கும், இஸ்லாமாபாத்துக்கும் இடையே 'கள்ளர் செய்தான்' Kallar Seydan செய்தான் என்று ஓரிடம் இருக்கிறது. இங்கு பசுக்களுக்குக் காவலனான கிருஷ்ணனுக்கு ஒரு கோவில் இருந்தது என்று கண்டு பிடித்துள்ளார்கள்  


சோழர்  - கள்ளர் - திருமால் 

தில்லையும், திருவரங்கமும் சோழர்களுக்கு முதன்மையான ஒரு தலமாகவே இருந்தது. சோழர்களின் பூர்விகத் தலைநகரான உறையூரைத் தொட்டடுத்து அமைந்திருப்பதாலும், சோழ குல இளவரசி ஒருவரே உறையூர் நாச்சியார் என்ற பெயரில் திருவரங்கத் திருமாலின் தேவியாக வழிபடப்பட்டு வருவதாலும், இத்தலம் சோழர்களின் 'குலதனமாக'க் கொண்டாடப்பட்டது. திருவரங்கம் திருமால் கோயில் ”சோழற்குக் குலதனமாய் வருகிற கோயில்” என்று மூன்றாம் குலோத்துங்க சோழனின் கல்வெட்டொன்றில் குறிப்பிடப்பெற்றுள்ளது.

முற்காலச் சோழர்களில் முதன்மைப் புகழுக்குச் சொந்தக்காரனான ‘கோச்செங்கட் சோழன்‘ எனப்படும் கோச்செங்கணானின் வீர வரலாறு, சங்க காலப் புலவர் பொய்கையார் பாடிய, ‘களவழி நாற்பது’ என்னும் அற்புதமான நூலினுள் பொதிந்து கிடக்கிறது. செங்கணான் பிறவிச் சைவன் என்றபோதிலும், எட்டுத் திருமால் ஆலயங்களையும் எழுப்பியுள்ளான் என்பது வரலாறு. அதனால்தான் திருமங்கையாழ்வார் இம்மாமன்னனை, ‘‘செம்பியன் கோச்செங்கணான், கோச்சோழன், தென்றமிழன் வடபுலக்கோன் சோழன், தென்னாடன் குடகொங்கன், தெய்வ வாள் வலங்கொண்ட சோழன்’’ என்றெல்லாம் புகழ்பாடிப் பரவசப்படுகின்றார்.


பிற்காலத்தில் கோனேரிராயன் எனும் சோழரின் குடியில் உதித்த கள்ளர்குலத்தலைவன் திருச்சி ஸ்ரீரங்கம் பகுதியை விஜயநகரத்திற்குட்பட்ட மஹாமண்டேலேஸ்வரனாக ஆண்டு வைணவம் போற்றி வந்ததும் வரலாற்றில் அறியப்பட்டு கிடக்கின்றன.

மறக்குல வாணாதிராயர்கள் வைணவ மரபின் பெரிய திருவடி கருடனைத் தங்கள் சின்னமாகக் கொண்டிருந்தனர். வாணாதிராயர்கள் மதுரையையடுத்து அழகர் கோயில் கள்ளழகரைத் தலைமைத் தெய்வமாகக் கருதினர். சேதுபதிகள் சைவராயினும் தங்களை ஸ்ரீராமனின் சகோதரர உறவுடைய குகனின் வழியினர் என கூறிக்கொண்டனர்.


பெருவயல் செப்பேட்டில் ஒப்பம் இட்டிட்ருக்கும் கள்ளர் குலத்தை சேர்ந்த சில நாட்டர்கள் தங்களை நாராயணப்பேரரசு வழிவந்த கள்ளர் படைத்தலைவர்கள் என கூறியுள்ளனர்.

ஆய்வு : திரு . பா .விக்னேஸ்வர் மாளு(வ)சுத்தியார்.

சுதந்திரத்திற்காக அகிம்சை வழியில் போராடிய கள்ளர் குல தியாகிகள்

இடம்: #அம்மாபேட்டை அம்மாபேட்டை பகுதியின் சுதந்திரத்திற்காக அகிம்சை வழியில் போராடிய கள்ளர் குல தியாகிகள் சாமிநாதன் ஆவத்தியார் -...