மதுரை மாவட்டம், மேலூர் வட்டம் வெள்ளலூர் நாடு, கோட்டந்தம்பட்டியை சேர்ந்த வேங்கைப்புலி கரை ஆ. பாலசுப்பிரமணியன் அம்பலம் அவர்களின் மகன் பா.ராகவேந்திரன், 17-03-2021 சர்வதேச அளவில் நடைபெற்ற 100 மீட்டர் ஓட்ட பந்தயத்தில் முதல் இடத்தை பெற்றுள்ளார்.
நாட்டிற்காக தங்கம் வென்ற வீரருக்கு கிராம மக்கள், பட்டாசு வெடித்தும், மாலை அணிவித்தும் உற்சாக வரவேற்பு அளித்தனர்.
பாலசுப்பிரமணி அம்பலம் - அமுதா தம்பதியரின் மகனான ராகவேந்திரன், நேபாளில் நடைபெற்ற இந்தோ நேபால், இன்டர்நேஷனல் சாம்பியன்ஷிப் தடகளப் போட்டிகளில் இந்தியாவின் சார்பாக பங்கேற்று 100 மீட்டர் ஓட்டப்பந்தயம் மற்றும் 400 மீட்டர் ஓட்டப்பந்தயம் ஆகிய இரண்டு போட்டிகளிலும் தங்கப்பதக்கம் வென்று சாதனை புரிந்தார்.
இந்நிலையில் இவர் தனது சொந்த ஊரான மதுரை மாவட்டம் மேலூர் அருகே வெள்ளலூர் நாட்டை சேர்ந்த கோட்டநத்தம்பட்டி கிராமத்திற்கு வருகை புரிந்தார். இதனால் அந்தக் கிராம மக்கள் ஒன்று கூடி ராகவேந்திரருக்கு பட்டாசு வெடித்தும் மாலைகள், பொன்னாடைகள் உள்ளிட்டவை அணிவித்தும் உற்சாக வரவேற்பளித்தனர்.
ராகவேந்திரன் நமது நாட்டுக்காக தங்கப்பதக்கம் வென்று சாதனை புரிந்துள்ளது நமது நாட்டிற்கான பெருமை மட்டுமல்லாது தங்கள் கிராமத்தையே உலகறியச் செய்துள்ளதாகவும், இதேபோன்று எங்கள் கிராம பகுதிகளில் இருந்து அதிகமான இளைஞர்கள் ராகவேந்திரரை போன்று சாதனைகள் புரிய இவர் ஒரு எடுத்துக்காட்டாக இருப்பதாகவும் கூறி அந்த கிராம மக்கள் மகிழ்ச்சி அடைந்தனர்.
மென்மேலும் வெற்றிகள் பெற வாழ்த்துக்கள்