பெரிய கருப்புத் தேவர் மதுரை மாவட்டம், உசிலம்பட்டி அருகே உள்ள, கருமாத்தூரில் பிறந்தவர். சங்கரதாசு சுவாமிகளின் நாடகக் குழுவில் இடம் பெற்றிருந்த பிரபல நடிகர் ஆவார். நாட்டுப்புறப் பாடல்களை பாடுவதில் வல்லவர். மண்வாசனை, கரகாட்டக்காரன், விருமாண்டி உள்ளிட்ட 200க்கும் மேற்பட்ட படங்களில் நடித்துள்ளார்.
கமல்ஹாசனின் விருமாண்டி படத்தில் இவர் பாடிய பாடல் பிரபலமானது. கரகாட்டக்காரன் உள்ளிட்ட பல படங்களில் இவரது நடிப்பு வெகுவாக பேசப்பட்டது.
75 வயதான பெரிய கருப்புத் தேவருக்கு அன்ன மயில் என்ற மனைவியும், நான்கு மகன்களும் உள்ளனர். அன்ன மயில் ஏற்கனவே இறந்து விட்டார். குடும்பத்துடன் சென்னை சாலிகிராமத்தில் வசித்து வந்தார் பெரிய கருப்புத் தேவர்.
பெரிய கருப்புத் தேவரின் ஒரு மகனான விருமாண்டி திரைப்பட இணை இயக்குநராகவும், இன்னொரு மகன் கார்த்திக் கலை இயக்குநராகவும் பணியாற்றி வருகிறார்கள்.
பெரியகருப்பத் தேவரின் தாய்,தந்தை புகைப்படம்
நடித்த படங்கள் சில
மண்வாசனை
ராணுவ வீரன்
கரகாட்டக்காரன் (1989)
விருமாண்டி (2004)
திருப்பாச்சி (2005)
கிரீடம் (2007)
ஆடுகளம் (2011)
அரவான்
இவர் பாடியுள்ள பாடல்கள்
கருமத்தூர் காட்டுக்குள்ளே... (விருமாண்டி)
கொடி ஏத்தி வைப்போம்... (பிதாமகன்)
சிவகாசி ரதியே.... (பூ)
விருதுகள் :
கலைமாமணி விருது
இவரது மகன் பால் பாண்டிக்குக் குழந்தை பிறந்திருந்தது. பேரன் பிறந்ததால் மகிழ்ச்சி அடைந்த பெரிய கருப்புத் தேவர் பேரனைப் பார்க்கப் போகிறேன் என்று மகிழ்ச்சியுடன் சிரித்தபடி கூறியுள்ளார். அப்போது அவருக்கு அவருக்கு மாரடைப்பு ஏற்பட்டுள்ளது. இதையடுத்து உடனடியாக அவரை மருத்துவமனைக்குக் கொண்டு சென்றனர்.
இவர்தம் 78 ஆம் வயதில், செப்டம்பர் 18, 2012 அன்று சென்னைசாலி கிராமத்திலுள்ள தனது வீட்டில் மாரடைப்பால் உயிர்துறந்தார்.