செவ்வாய், 25 செப்டம்பர், 2018

வல்லநாடு - வல்லநாட்டு கள்ளர்





புதுக்கோட்டை அரையர்கள் வல்லநாடு கள்ளர்கள் -   வல்லநாட்டு கள்ளர் படைபற்று 

புதுக்கோட்டை எனும் பெயர் 17 ஆம் நூற்றாண்டில் தான் தொண்டைமான்களால் உருவாக்கப்பட்டது, ஆனால் புதுக்கோட்டை எனும் பெயர் கல்வெட்டுகளில் (IPS618) பாண்டியர் காலத்தில் கிபி 1335 முதலே காணப்படுகிறது.



படைப்பற்று என்பது ஒரு நாட்டின் படைவீரர்களின் குடியிருப்புகள் என்பதை நாம் அறிந்ததே. வீரபாண்டிய தேவர் காலத்தில் பொ.ஆ 1335  ல் வெட்டப்பட்ட கல்வெட்டில் (IPS618) வல்லநாட்டில் இருந்த படைபற்றை பற்றி கூறுகிறது.

இந்த படைபற்றில் சிங்கமங்கலத்து அரையர்களுக்கும் புதுக்கோட்டை அரையர்களுக்கும் இடையே நடந்த சண்டை பற்றி கூறுகிறது.





பரகேசரி வர்ம சோழ ஆட்சி காலத்தில் கிபி 909 ல் புதுக்கோட்டையில் வெட்டப்பட்ட கல்வெட்டு (IPS 38) " வல்லநாட்டு கவிற்பா கள்ளப்பால் நாடாய் இசைந்த இந்நாட்டோம் கற்குறிச்சி " என வல்ல நாடு கள்ளர் நாடாக இருந்ததை குறிக்கின்றது.

                    திருக்கட்டளை - கற்குறிச்சி- 9 ஆம் நூற்றாண்டு





 பல்லவராயன்

கள்ளப்பால்

வல்லநாட்டு



வல்லநாட்டு கள்ளர்கள் 36 பட்டங்களுடன் 20 க்கும் மேற்பட்ட கிராமங்களில் வாழ்கின்றனர். 

சில பட்டங்கள் :

தம்பிராயர்
அரியதன்
சொறியர் 
முனையதிரியர் 
மாளுசுத்தியார்
ஆள்காட்டியார்
மயிலாண்டார்
வல்லவத்தரயர்

திருவுடையப்பட்டி, மணியம்பளம், கொத்தக்கோட்டை, வாண்டார்கோட்டை, வல்லத்திராக்கோட்டை, மாஞ்சான்விடுதி போன்றவை வல்லநாட்டு கிராமங்களில் சிலவாகும்.

வல்லநாட்டு கள்ளர்கள் திருவரங்குளம் அரங்குளமுடையார் கோயிலில் கூடி சபைகளை நடத்துகின்றனர். இக்கோயிலில் தினசரி நடைபெறும் நிகழ்வுகளில் முக்கிய செலவுகளை ஏற்கின்றனர்.( Manual of pudukkottai state 1910) 

சிவகங்கை சீமையில் உள்ள கள்ளர் நாடுகளுள் ஒன்றான பட்டமங்கல நாட்டார்கள் கிபி 18 ஆம் நூற்றாண்டின் தொடக்கத்தில் புதுக்கோட்டை மாவட்டம் வல்லநாட்டில் இருந்து பட்டமங்கலத்தில் குடியேறி வாழத்தொடங்கினர்.

பட்டமங்கலத்தில் கிபி 18 ஆம் நூற்றாண்டில் பிறந்து வளர்ந்தவர் சூரியத்தொண்டைமான். சிவகங்கை சீமை வரலாற்றில் புகழ்பெற்ற வைத்தியலிங்க தொண்டைமானின் தந்தையாவார்.

சூரியத்தொண்டைமான் வளர்ந்தவுடன் தனது முன்னோரின் வரலாற்றை தெரிந்து கொண்டு, வல்லநாட்டில் உள்ள கருப்பரை தரிசித்து, கருப்பரின் நினைவாக சில ஆயுதங்களை பட்டமங்கலத்துக்கு எடுத்து சென்று கருப்பராக நினைத்து வழிபட்டார். இன்றும் அவர் வணங்கிய ஆயுதங்கள் பாதுகாக்கப்பட்டு தொடர்ந்து வழிபாடுகள் நடைபெறுகிறது. வல்லநாட்டு கருப்பர் கோயில் திருவிழாக்களிலும் இவரது வாரிசுகள் பங்கு கொள்கின்றனர்





கவி நாடு மற்றும் கற்குறிச்சி நாடுகள் கள்ளர் நாடான வல்லநாட்டின் பகுதிகள் என குறிக்கப்படுகிறது. 





மணப்பாறை கள்ளர் நாடு ( கள்ளர் படைப்பற்று)




மணலால் ஆன பாறைகள் நிறைந்த பகுதி, மணற்பாறை என்பதுதான் காலப்போக்கில் மணப்பாறை என்றாகிவிட்டது. தமிழ் நிலத்தின் மையப் பகுதி மணப்பாறை. சோழ நாட்டுக்கும் பாண்டிய நாட்டுக்கும் இடைப்பட்ட பகுதியாக இது இருந்து இருக்கிறது. இப்போதைய அமைப்பின்படியும் அந்தப் பெருமை உண்டு. இது ஒரு பாலை நிலம், வானம் பார்த்த பூமி இது.





மன்னர் இராஜகோபால தொண்டைமான்


நீராதாரம் குறைவு என்பதால், மணப்பாறை மக்களிடம் இருந்து வறுமை அழிக்க முடியாததாக இருந்தது. ஒவ்வொரு ஊரின் வரலாற்றையும் மாற்றி அமைக்கும் விஷயங்கள் இருக்கும், அப்படி இந்ந ஊரின் வரலாற்றைப் புரட்டிப்போட்டது தியாகேசர் நூற்பாலை. தொண்டைமான் மன்னர் புதுக்கோட்டையில் நூற்பாலை உருவாக்க ஆசைப்பட்டார், ஆனால், அங்கே ரயில் பாதை அமைந்ததால், அந்த ஆலையை அவருடைய அமைச்சர் கலிஃபுல்லா (1946–1948) மூலம் இங்கே கொண்டுவந்தார். வறுமையில் உழன்றுவந்த இந்தப் பகுதி மக்களின் வாழ்வில் வெளிச்சம் ஏற்றியது அந்த ஆலைதான்.

மணப்பாறையின் மிகப் பெரிய அடையாளங்கள் மாடுகளும் முறுக்கும்தான். மாடுகளின் வலுவும் முறுக்குகளின் சுவையும் வேறு எதனோடும் ஒப்பிட முடியாதது. மாடுகளைப் பூட்டிக்கொண்டு பாயும் வில் வண்டியை உலகத்துக்குத் தந்தவர்களும் மணப்பாறை ஊரார்தான். பொன்னணியாறும் மாமுண்டியாறும் ஊரின் நீராதாரங்கள். ஒருவகையான உப்பு ருசி இந்தத் தண்ணீரில் கலந்து இருக்கும்.



மணப்பாறை சுற்றுவட்டாரங்களில் சோழர் கால கலைப் பொருட்கள், முதுமக்கள் தாழி உள்ளிட்ட முற்கால சோழர்களின் கலை பொருட்கள் கண்டெடுக்கப்பட்டுள்ளன.



மணப்பாறை மாரியம்மன் தெற்கு கரையிலும், சமயபுரம் மாரியம்மன் காவிரியின் வடகரையிலும் காவலாக அமைந்துள்ளது.

மணப்பாறையில் அமைந்துள்ள ஸ்ரீவடிவுடைநாயகி சமேத ஸ்ரீஅகத்தீஸ்வரர் திருத்தலம்




மணப்பாறை கண்டெடுக்கப்பட்ட கல்வெட்டில் “உத்தமசோழரின் ஆட்சியின்போது பராந்தகன்ரவியான ராசவிச்சாதிரப் பல்லவராயன், கோயில் அலுவலர் பல்லவராயர் தளிவண்ணக்கயண் பூதிபட்டன் ஆகியோரிடம் 10 கழஞ்சுப்பொன்னளித்து அதன் வழி வரும் வட்டி கொண்டு கோயிலில் விளக்கேற்றுமாறு செய்தனர். அப்பொன் கொண்டு 90 ஆடுகள் பெறப்பட்டன. மணப்பாறை முக்தீசுவரம் கோயில் பாண்டியர் கட்டமைப்புடன் விளங்குகிறது. பாண்டியர் காலக் கல்வெட்டுகள் மாறவர்மர் குலசேகரர், சடையவர்மர் சுந்தரபாண்டியர் ஆட்சிக்காலத்தே பொறிக்கப்பட்டுள்ளன.



தொண்டைமான்கள், பல்லவராயர்கள் அம்புநாட்டை ஒன்பது குப்பங்களாக பிரித்தனர். அதில் உள்ளது கறம்பக்குடி குப்பம் (பட்டங்கள் : மறவராயர், தென்னதிராயர், வளங்கொண்டார், நாராங்கியர்) மற்றும் நெய்வேலிக் குப்பம் (பட்டங்கள் : மன்னவேளார், காளிராயர், மதியபிலியார்).

இந்த கறம்பக்குடி, நெய்வேலிக் குப்பம் கள்ளர்களின் குலதெய்வம் மணப்பாறை ஆண்டவர்கோவில் பகுதில் உள்ளது. இவர்கள் மணப்பாறை பகுதில் இருந்தே அங்கே குடியேறியுள்ளனர். மணப்பாறை நல்லண்டவர் திருக்கோவிலில் மம்முட்டி கருப்புசாமி, ஏழு கருப்புசாமி இவர்கள் குலதெய்வமாக உள்ளது.

ஏழு கருப்புசாமி - நல்லாண்டார்கோயில்

சோழ, பாண்டிய படைப்பற்றாக இருந்த இந்த மணப்பாறை பகுதியில் ஒரு தன்னரசு நாடும் அவர்தம் இராணுவப்படைப்பற்றும் இங்கு தான் இருந்த்து.


1750 களில் ஆங்கிலேயருக்கும், பிரெஞ்சுகாரர்களுக்கும் இந்தியாவில் நாடுபிடிக்கும் போர் நடந்து கொண்டிருந்தது. 1755 ஆம் ஆண்டுகளில் மதுரை, நெல்லை பாளையக்காரர்களை அடக்குவதற்காகத் தளபதி அலெக்சாண்டர் கெரானுடன் , யூசுப்கான் (மருதநாயகம்) அனுப்பிவைக்கப்பட்டான் .

மருதநாயகம் தன்னுடைய தலைமையில் கிழக்கிந்திய கம்பெனி படை, ஆற்காடு நவாப் படையுடன் தெற்கத்திய பாளையக்காரர்களை அடக்கி கப்பம் பெறும் முனைப்பில் இரத்தவெறியுடன் புறப்பட்டான்.

அப்படி மருதநாயகம், அவனுடைய படைகளும் தெற்குப்பகுதியில் செல்லும் போது தடையாக இருந்த்து மணப்பாறை கள்ளர் படைப்பற்றே. 1755ல் கான் சாஹிப் முதல் வரலாற்று சாதனையாக ஆய்வாளர்கள் கருதுவது “Storming of the Kallar Barrier அதாவது கிழக்கிந்திய படை மற்றும் நவாப் படையோடு கான் சாஹிப் மணப்பாறையில் உள்ள கப்பம் கட்ட மறுத்த தன்னரசு கள்ளர் நாட்டு படைப்பற்றை வென்றதே கருதப்படுகிறது.

மேலும் அந்த கள்ளர் படைப்பற்று திருச்சி எல்லையில் அரண் போல இருந்ததாகவும் குறிக்கிறார்கள்.

மேலும் அந்த படைப்பற்றின் அழிவை வைத்து மணப்பாறை தன்னரசு கள்ளர்களின் தலைவரை கப்பம் கட்ட கட்டாயப்படுத்தியுள்ளான்.

இந்த வெற்றிக்கு பின்னர் மருதநாயகம் மணப்பாறையில் தங்கி வரி பாக்கியை செலுத்துமாறு பாளையக்காரர்களுக்கு செய்தி அனுப்பினான். மணப்பாறை அருகில் இருந்த பாளையக்காரரான லட்சி நாயக்கர் வரி செலுத்த ஒப்புக்கொண்டான். பிறகு தெற்கத்திய பாளையக்காரர்களையும் வெற்றிபெற்றான்.

மேற்கோள் நூல்


Saints, goddesses and Kings

நன்றி : 

உயர்திரு. மணவை முஸ்தபா


ஆய்வு : உயர்திரு. சோழ பாண்டியன்

சனி, 22 செப்டம்பர், 2018

அறந்தாங்கி தொண்டைமான்கள்




கள்ளர் குடியில் தோன்றிய தொண்டைமான் மன்னர்களில் ஒரு பிரிவினர் 450 ஆண்டுகளுக்கு மேலாக அறந்தாங்கி பகுதியை தனி அரசாகவும் மற்றும் சோழ, பாண்டிய , விசய நகர, மராட்டிய மன்னர்களின் மேலாண்மையை ஏற்றும் ஆட்சி செய்தனர். வளர்த்து வாழ்வித்த பெருமாள் தொண்டைமான் என்பவன் விசெங்கி நாட்டில்  1201  ஆம் ஆண்டு இருந்துள்ளான், இவனே அறந்தாங்கி தொண்டைமானில் முதன்மையானவன்.

அறந்தாங்கி பகுதில் உள்ள சிங்கவனம் அரையன் மெய்கண் கோபாலர்கள், பாளையவனம் அரையன் வணங்காமுடி பண்டாரத்தார்கள் கள்ளர் குலத்தை சேர்த்தவர்கள் என்பதை நாம் அறிந்ததே.

அறந்தாங்கி தொண்டைமான் உயர் அலுவலர் பெயர் கலியுக மெய்யன் காலிங்கராயர் என்பவன் குறிக்கப்படுகிறான். மேலும் உயர் அலுவலராக கற்பூர காலிங்கராயர் , சிற்றம்பலமுடையான் காலிங்கராயர் , திருச்சற்றான் காலிங்கராயர், திருவம்பலமுடையான் காலிங்கராயர், நிரம்பவழகியான் காலிங்கராயர் இருந்துள்ளார்கள். காளிங்கராயன் பட்டம் தாங்கிய கள்ளர் குடும்பங்கள் இன்றும் அந்த பகுதில் வாழ்கின்றனர்.

ஆய்வாளர் ஜெ. ராஜா முகமது அவர்கள் புதுக்கோட்டை தொண்டைமான் பற்றிய தனது ஆய்வில், புதுக்கோட்டை தொண்டைமான் தெலுங்கு தாய்மொழி கொண்டவர்கள் , இவர்களுக்கும் அறந்தாங்கி தொண்டைமான்களுக்கும் தொடர்பு இல்லை என்று எந்த ஆதாரங்கள் இல்லாமலும் பதிவு செய்ததை , ஆய்வாளர் ராசு கவுண்டர் அவர்கள் இதனை மறுத்து தக்க ஆதாரங்கள் கொண்டு இருவரும் ஒரு கால்வழியினரே என்று விளக்கி உள்ளார். ஆய்வாளர் குடவாயில் பாலசுப்ரமணியன் தொண்டைமான்கள் அனைவரும் கள்ளரின் ஒரு பிரிவினரே என்று கூறியதையும் நாம் நினைவில் கொள்ளவேண்டும்.

தொண்டைர்கோன் என்று பாராட்டப்பெறுகின்றான் பாண்டிய மன்னர்களின் தளபதி, கப்பற்கோவை தலைவன், கப்பலூர் நாடு கருமாணிக்கன். இன்றும் கப்பலூர் நாடு கருமாணிக்கன் வாரிசுகள் கள்ளர் குலத்தை சேர்த்தவர்கள் என்பதை நாம் அறிந்ததே.



கொங்கு மண்டலத்தில் சிறப்போடு வாழும் கொங்கு வேளாளர்களில் தொண்டைமான் பட்டம் உள்ளது. அவர்கள் கஞ்சி தொண்டைமான் மன்னர் தங்களுக்கு இந்த பட்டம் அளித்தாகக் கூறிக்கொள்ளுகிறார்கள்.

சுமார் கி.மு 3 – 1 நூற்றாண்டுகள் காலத்தில் உக்கிரப் பெருவழுதி சங்ககாலப் பாண்டிய மன்னன் சோழநாட்டில் இருந்து 48000 வேளாளர்களை புதுக்கோட்டைப் பகுதியில் குடியேற்றியதாக கூறப்படுகிறது. இந்த புதுக்கோட்டை பகுதியில் தொண்டைமான்கள் பிற்காலச் சோழர்கள் காலத்தில் திருப்பதி தொண்டைமான் கோட்டை என்ற பகுதியில் இருந்து இங்கு வந்து சிலர் அன்பில், அறந்தாங்கி, சூரைக்குடி போன்ற பகுதியில் குடியமர்ந்தனர்.

தஞ்சை, புதுக்கோட்டைப் பகுதியை மதுரை பாண்டிய மன்னர்களின் பிரதிநிதிகளாக இருந்து ஆட்சி செய்தவர்கள் இந்த தொண்டைமான் வேந்தர்கள். கி.பி.14-ஆம் நூற்றாண்டில், இரண்டாம் மாறவர்மன் குலசேகர பாண்டிய மன்னனின் பிரதிநிதியாக இருந்து, புதுக்கோட்டைக்கு உட்பட்ட பகுதியை ஆட்சி செய்து வந்தார் மஞ்சக்குடியுடையார், திருநோக்கு அழகியார் தொண்டைமான் .

இவரின் மரபு வழியே வந்தவர்கள், அறந்தாங்கியில் கோட்டைக் கொத்தளங்கள் அமைத்து, அந்த ஊரையே தலைமையிடமாகக் கொண்டு ஆட்சி செய்து வந்தார்கள்.

இவர்களின் கல்வெட்டு, செப்பேடுகளில் இவர்கள் ஆவணங்களிலும இவர்களின் பூர்விகமாக தொண்டைநாட்டுத் தொடர்பே பெரிதும் இடம்பெற்றுள்ளது. தங்களது பூர்வீகமாக காஞ்சி, காளத்தி மலை (சித்தூர்), பாலாறு, கம்பாநதி, ஆதொண்டைமலை, தொண்டைமான் நாடு என்றே அதிகமாக குறிப்பிடுகின்றர்.


அறந்தாங்கி தொண்டைமான்கள் ஆவுடை நாதர் அனுக்கிரகம் பெற்றோர் என்றும், "ஆவுடைய நாயனார் ஸ்ரீபாதபக்தர்" என்றே தங்களைஅழைத்துக்கொண்டனர். ஆவுடை என்ற பெயர் தாங்கிய ஆவுடை ரகுநாத தொண்டைமான் என்பவரே புதுக்கோட்டை தொண்டைமான்காளில் முதன்மையானவர் என்பது குறிப்பிட்ட தக்கது.

அறந்தாங்கி தொண்டைமான் தங்களை நாககன்னிகை வழிவந்தவர்கள் என்றும், இந்திரன் ஏழடி கொண்டவன் என்றும் தங்களை கூறிக்கொள்கின்றனர்.




(ஆவுடையார்கோயில் ஆத்மநாதசுவாமி கோயிலில் மழைவளம் வேண்டி சகஸ்ரநாம லட்சார்ச்சனை விழா)
 அரிமர்த்தன பாண்டியன்






அறந்தாங்கி தொண்டைமான் மன்னர்களின் கலை பொக்கிசம் ஆவுடையார்கோயில். இந்த கோயில் விக்ரம சோழபாண்டியன், தஞ்சையை ஆண்ட நாயக்கன், மராட்டி மன்னன், சேதுபதி மன்னன், தொண்டைமான் மன்னன் பாலைவன வணங்காமுடி பண்டாரத்தார் ஆகியோரால் ஆறு மண்டபங்கள் இணைத்துக் கோவிலாக கட்டப்பட்டுளது.



அறந்தாங்கி தொண்டைமான்கள் மிழலை நாட்டுக்கு உரியவர்கள். வெள்ளாற்றுக்கு தெற்கிலும் பாம்பாற்றுக்கு வடக்கிலும் அமைந்த பகுதியே மிழலை கூற்றம்.

மிழலை கூற்றத்திலும் காஞ்சிபுரம் என்ற ஊர் ஒன்றை ஏற்படுத்தி அங்கு ஏகாம்பரநாதரைப் பிரதிட்டை செய்து, இறைவனின் திருநாமத்தை தங்கள் பெயராகவும் கொண்டனர் (ஏகாம்பர தொண்டைமான்).

அறந்தாங்கி தொண்டைமான் மரபினர் 11 ஆம் நூற்றாண்டு தொடங்கிப் புதுக்கோட்டை பகுதியில் பல்வேறு நிலைகளில் அதிகாரிகளாக விளங்கினர். கையெழுத்து இடும் அலுவலராக, நாடாழ்வாராக, அரையராக, சார் அரையராக விளங்கி பாலையூர் பகுதிக்கு அரசு ஆக நியமனம் பெற்று அறந்தாங்கியைத் தலைநகராகக் கொண்டு அறந்தாங்கி அரசாக வளர்ந்து 1300 முதல் 1759 வரை புதுக்கோட்டை பகுதியில் தனியரசாக ஆவுடையார் கோயில், அறந்தாங்கி, ஆலங்குடி தென்பகுதி, திருமெய்யம் கீழ்ப்பகுதி வட்டங்களில் ஆட்சி செலுத்தும் அரசர்களாக விளங்கிவந்துள்ளனர்.


இவர்களின் அலுவலர்களாக குறிக்கப்படும் பட்டங்களில் இன்றும் புதுக்கோட்டை பகுதியில் கள்ளர்கள் வாழ்கின்றனர்.

அரியபிள்ளை, அறந்தர், கண்டியதேவன், முதலியாண்டார் , முனையத்தரையன், மங்கலராயர், மணவாளன், வாண்டையார் என்ற பட்டங்கள் நேரடியா அங்கு கள்ளர்களுக்கு மட்டுமே உள்ளன.

சில கள்ளர் பட்டங்கள் மருவியதாக உள்ளன. அவை

தென்னவதரையன் - தென்னவராயர் 
சேதிபராயர் - சேதிராயர் 
ஆளப்பிறந்தான் - ஆளம்பிரியர்
நயினார் - நயினியர்
உத்தாண்டையார் - உத்தமண்டார். 
தமிழ்நாடன் – தமிழுதரையர்
அறந்தாங்கி தொண்டைமான்கள் தங்களது ஆட்சிக்காலத்தில் சில பகுதிகளின் ஆட்சி பொறுப்பைத் மகன்கள் மற்றும் சகோதரர்களுக்கும் தந்துள்ளனர்.

அறந்தாங்கி தொண்டைமான்கள்

01) உய்யவந்தான் திருநோக்கழகியான் தொண்டைமான்.
02) சூரிய தேவர் தொண்டைமான்.
03) பிச்சர் தொண்டைமான்.
04) தேவராயத் தொண்டைமான்.
05) பெரிய ரவினியனான ரகுநாதத் தொண்டைமான்.
06) ஆளுடை நயினார் தொண்டைமான்
07) ஆவுடை நயினார் தொண்டைமான்
08) ஆண்டியப்ப நயினார் தொண்டைமான்.

பாண்டிய மன்னர்களின் மீது கொண்ட அன்பினால்

09) சுந்தரபாண்டியத் தொண்டைமான்
10) விக்ரம பாண்டியத் தொண்டைமான்
11) குலசேகர தொண்டைமான்

பெருமாள் பெயருடைய தொண்டைமான்கள்

12) திருநெல்வேலிப் பெருமாள் தொண்டைமான்.
13) அழகிய பெருமாள் தொண்டைமான்.
14) இன்பவனப் பெருமாள் தொண்டைமான்.
15) ஏகப் பெருமாள் தொண்டைமான்.
16) வளர்த்து வாழ்வித்த பெருமாள் தொண்டைமான்
17) மழவல்லப் பெருமாள் தொண்டைமான்
18) அழகிய மணவாளப் பெருமாள் தொண்டைமான்

நாயக்க மன்னர்களின் மீது கொண்ட அன்பினால்

19) இரகுநாத நாயக்கத் தொண்டைமான்.
20) அச்சுதப்ப நாயக்கத் தொண்டைமான்.
21) தியாகராசர் நரச நாயக்கத் தொண்டைமான்.

வணங்காமுடி தொண்டைமான்கள்

22) அருணாச்சல வணங்காமுடித் தொண்டைமான்.
23) வணங்காமுடித் தொண்டைமான்.
24) முத்து வணங்காமுடித் தொண்டைமான்.
25) விசய அருணாச்சல வணங்காமுடித் தொண்டைமான்.
26) அதிசூரராமத் தொண்டைமான்.
27) அலைவில் அஞ்சாத தொண்டைமான்.
28) அச்சமறியாத் தேவர் தொண்டைமான்.
29) பொன்னம்பலநாத தொண்டைமான்.
30) வீரவினோதத் தொண்டைமான்.
31) தீராவினை தீர்த்தான் தொண்டைமான்


உய்யவந்தான் திருநோக்கழகியான் தொண்டைமான் (பொ. ஆ-1319)

புதுக்கோட்டைப் பகுதியை மதுரை பாண்டிய மன்னர்களின் பிரதிநிதிகளாக இருந்து ஆட்சி செய்தவர்கள் தொண்டைமான் வேந்தர்கள். கி.பி.14-ஆம் நூற்றாண்டில் 1319 ல், இரண்டாம் மாறவர்மன் குலசேகர பாண்டிய மன்னனின் பிரதிநிதியாக இருந்து, புதுக்கோட்டைக்கு உட்பட்ட பகுதியை ஆட்சி செய்து வந்தார். அந்த மன்னர், மஞ்சக்குடி எனும் ஊரில் இருந்தபடி ஆட்சி செய்ததால், அவர் மஞ்சக்குடியுடையார், திருநோக்கு அழகியார் தொண்டைமான் என்றெல்லாம் அழைக்கப்பட்டார்.


மஞ்சக்குடியுடையார் தான் பிறந்த ஊரில், அதாவது மஞ்சக்குடியில் இரண்டு ஆலயங்களைக் கட்டினார். அந்த சைவ- வைணவ ஆலயங்களில் குடிகொண்டிருக்கும் இறைத் திருமேனிகளை தான் எப்போதும் வணங்கும் கோலத்தில், சுமார் ஐந்தரை அடி உயரம் உள்ள தனது உருவச்சிலைகளை நிறுவியுள்ளார். இவரது அலுவலராக அம்பலகாரர் ஒருவர் இருந்தாக உள்ளது.

சூரிய தேவர் தொண்டைமான் (பொ. ஆ-1399)

சூரிய தேவர் தொண்டைமான், பிள்ளைவயல் என்ற ஊரைக் கொடையாக மாறவர்மன் வீரபாண்டியன் ஆட்சியில் திருநாள் சிலவுகளுக்காக அளித்துள்ளார்.

பிச்சர் தொண்டைமான் (பொ. ஆ–1426)

1426 ஆம் ஆண்டு ராசராச வளநாட்டுப் பாலையூர் நாட்டவருக்கு பிச்சர் தொண்டைமான் வரி நிர்ணயம் செய்ததை புராதனபுரீசுவரர் கோயில் கல்வெட்டு குறிக்கிறது. இவர் சூரியதேவரான குலசேகர தொண்டைமான் மகன் ஆவர். இவர் அலுவலராக திருச்சிற்றம்பலமுடையன் காலிங்கராயர் என்பவர் இருந்துள்ளார்.

தேவராயத் தொண்டைமான் (பொ. ஆ-1432 - 46)

1432-46 ஆம் ஆண்டுக்கு இடைப்பட்ட பகுதியில் வாழ்ந்தவர். குற்றம் செய்தவர்களுக்கு இவர் வழங்கிய தண்டனை போலவே வழங்க வேண்டும் என்று 1482 ஆம் கல்வெட்டு குறிப்பிடுகிறது.

ஆளுடை நயினார் தொண்டைமான் (பொ. ஆ–1434)

1434 ஆம் ஆண்டு ஆளப்பிறந்தானை சேர்த்த கண்டியதேவர், பிச்சன் தொண்டைமான், பகையாபிள்ளையான தோற்றம் அழகியார், பிச்சன் ஊராட்சியார் மணவாளன், ஆரியச் சக்கரவர்த்திகள் மணவாளன் ஆகியோர்க்கு குடிக்காடு என்ற பகுதி காணியாகக் ஆளுடை நயினார் தொண்டைமான் அவர்களால் கொடுக்கப்பட்டது.

அழகிய மணவாளப் பெருமாள் தொண்டைமான் (பொ. ஆ-1441)

அழகிய மணவாளப் பெருமாள் தொண்டைமான் அவர்கள் எட்டியத்தளி, ஆளப்பிறந்தான், குறும்பூர் பகுதிகளில் உள்ள கோயில்களுக்கு நிலங்கள் கொடையாக அளித்துள்ளார். இவரது தம்பி சுந்தரபாண்டியத் தொண்டைமான் மற்றும் குலசேகர பாண்டிய தொண்டைமான். அழகிய மணவாளப் பெருமாளுக்கு நயினார் இலக்கப்பத் தண்ணாயக்கத் தொண்டைமானார், மெய் நின்ற பெருமாள் அதிசூரராமத் தொண்டைமான் என இரண்டு ஆண் மக்கள் இருந்தனர்.

#சுந்தரபாண்டியத் தொண்டைமான் (பொ. ஆ-1443)

எட்டியத்தளி அகத்தீசுரமுடையார் கோயிலுக்கு குலசேகர பாண்டியன் ஆட்சியில் சுந்தரபாண்டியத் தொண்டைமான் சாலிய நகரத்தாரும் கைக்கோளரும் அரைப்பணம் கொடுக்க வேண்டும் என்று வரி நிர்ணயம் செய்துள்ளார்.

திருநெல்வேலிப் பெருமாள் தொண்டைமான் (பொ. ஆ-1463)

புதுக்கோட்டை நெல்வேலி பகுதியில் வாழ்ந்த இவரும் அறந்தாங்கி தொண்டைமான் களில் ஒருவர். 1463 ஆம் ஆண்டு திருமால் கோயில், பிடாரி கோயிலுக்கு கொடை அளித்துள்ளார். இதனை நிரம்ப அழகியார் காலிங்கராயன் என்பவர் எழுதியுள்ளார்.

ஆவுடை நயினார் தொண்டைமான் (பொ.ஆ-1476)

1476 ஆம் ஆண்டு ஆளப்பிறந்தானை சேர்த்த பூமிசுவரர் கோயிலில் காலை சந்திக்காக ஆவுடை நயினார் தொண்டைமானால் 12 மா நிலம் கொடையாகக் கொடுக்கப்பட்டது.

இன்பவனப் பெருமாள் தொண்டைமான் (பொ. ஆ-1476)

இன்பவனப் பெருமாள் தொண்டைமான் அவர்கள் 1476 ஆம் ஆண்டு கோயில்களுக்கு வயலைக் கொடையாக அளித்துள்ளார்.

ஏகப் பெருமாள் தொண்டைமான் (பொ. ஆ-1478)

பொ. ஆ - 1478 ஆம் ஆண்டு பல கோயில்களுக்கு கொடையாக நிலங்களை அளித்துள்ளார். இவர் கல்வெட்டுகள் மூலம் இவர் விசய நகர ஆட்சிக்கு உட்பட்டு ஆட்சி செய்தவர் என்று தெரிகிறது. இவர் அலுவலர்களாக காலிங்கராயன் என்பவர்கள் இருந்துள்ளனர். இவருக்கு மூன்று மகன்கள்

கள்ளப்பற்றில் நின்று பயம் தீர்ந்து என்று குறிக்கப்படுகிறது.

அதிசூரராமத் தொண்டைமான் (பொ. ஆ–1478)

அழகிய மணவாளப் பெருமாள் தொண்டைமானின் மகன் ஆவார், இவர் ஏகப் பெருமாள் தொண்டைமான் காலத்தில் (1478) ஆளப்பிறந்தான் பகுதியில் நிர்வாகியா இருந்தார்.

அலைவில் அஞ்சாத தொண்டைமான் (பொ. ஆ–1478)

ஏகப் பெருமாள் தொண்டைமானின் மகன், இவர் குறும்பூர் கோயிலில் ஒரு பகுதியை தம் கொடையாக திருப்பணி செய்துள்ளார்.

அச்சமறியாத் தேவர் தொண்டைமான் (பொ. ஆ–1478)

ஏகப் பெருமாள் தொண்டைமானின் மற்றொரு மகன்

பொன்னம்பலநாத தொண்டைமான் (பொ. ஆ–1508)

ஏகப் பெருமாள் தொண்டைமான் மூத்த மகன் சிதம்பரநாதன் என்ற பொன்னம்பலநாத தொண்டைமான். இவர் விஜய நகர அரசர்கள் கிருஷ்ணதேவராயர், அச்சுத தேவராயர் ஆகியோரின் கீழ் ஆட்சி செய்தனர் என்று வளவர்மாணிக்கம் கைலாசநாதர் கோயில் கல்வெட்டு மூலம் அறியமுடிகிறது. 1508 இல் பட்டம் ஏற்றவுடன் இவன் இன்றியமையாத செல்வுகட்காகத் கோயில் பண்டாரத்திலிருந்து கடன் பெற்று 10 ஆண்டுகள் ஆகியும் கட்டமுடியாததால் வடவெள்ளாற்று நாட்டு களக்குடி, மையூர் விஜயபுரம் ஊர்களை விற்று வந்த பொருள்களை கொண்டு கோயில் கடனை அடைத்தார். இவரது மகன் வீரவினோதத் தொண்டைமான்.

பொன்னம்பலநாத தொண்டைமான் பட்டப்பெயர்கள் அச்சம் அறியான், அலைவில் அஞ்சாதான், திருமிழலை திருநாடன், மல்லையாதிபதி

வீரவினோதத் தொண்டைமான் (பொ. ஆ–1530)

பொன்னம்பலநாத தொண்டைமான் தன் தந்தை ஏகப் பெருமாள் தொண்டைமானாரிடம் இளமைப் பருவத்தில் காணியூர்கள் பெற்றுத் தான் நிர்வாகம் செய்தது போலவே தன்னுடைய மகன் வீரவினோதத் தொண்டைமானுக்கு மிழலைக் கூற்றத்து மேல்கூறு நாட்டு நாலுகோட்டைப் பற்று ஏற்றநாட்டுப் புரவில் சிறுகுறிச்சி வயல் என்ற ஊரை அளித்து. வளவர்மாணிக்கம் என்ற ஊரில் வீடு ஒன்றை அளித்தார். வீரவினோதத் தொண்டைமான் அந்த பகுதியில் நிர்வாகத்தை மேற்கொண்டார்

ஆண்டியப்ப நயினார் தொண்டைமான் (பொ. ஆ-1670)

இவர் பூமியூர் மடத்திற்கு நிலங்களை வழங்கியுள்ளார்.

இரகுநாத நாயக்கத் தொண்டைமான் (பொ. ஆ-1670)

அச்சுதப்ப நாயக்கத் தொண்டைமான் (பொ. ஆ-1670)

தஞ்சை நாயக்கரின் மேலாதிக்கத்தை ஏற்றுக்கொண்டு இரகுநாத நாயக்கத் தொண்டைமான், அச்சுதப்ப நாயக்கத் தொண்டைமான் இருவரும் தங்களுக்குள் அறந்தாங்கி அரசுக்கு உரிமை வேண்டி போர் வரும் சூழ்நிலையில் இருவரும் போர் செய்யாமல் ஒப்பந்தம் செய்து கொண்டனர்

பெரிய ரவினியனான ரகுநாதத் தொண்டைமான் (பொ. ஆ–1700)

இவர் ஆண்டியப்ப நயினார் தொண்டைமான் மகன், 1700 ஆம் நூற்றாண்டில் பொய்கை வயல் என்ற பகுதியை கோயிலுக்கு கொடையாக வழங்கியுள்ளார்.

அழகிய பெருமாள் தொண்டைமான் (பொ. ஆ-1700)

அச்சுதப்ப நாயக்கத் தொண்டைமான் மகன் அழகிய பெருமாள் தொண்டைமான். இவர் இறங்கல் மீட்டான் வயலையும் செட்டி செய் என்ற நிலத்தையும் திருப்பெருந்துறை கோயிலுக்கு கொடையாக அளித்தனர்.

அருணாச்சல வணங்காமுடித் தொண்டைமான் (பொ. ஆ-1716)

அறந்தாங்கி அரசு ஆண்டவராய இரகுநாத ஆவுடைத் தொண்டைமான் அவர்கள் மகன் அருணாச்சல வணங்காமுடி தொண்டைமான். 1716 ஆம் ஆண்டு அந்தணர்களுக்கு ஏனாதி என்ற ஊரை வழங்கியுள்ளார்

வணங்காமுடித் தொண்டைமான் (பொ. ஆ-1739)

அருணாச்சல வணங்காமுடித் தொண்டைமான் மகன் வணங்காமுடித் தொண்டைமான் ஆவார். இவர் 1739 ஆம் ஆண்டு பெருவயல் வள்ளி தெய்வானை கோயிலுக்கும், பரமேஸ்வரன் கோயிலுக்கும் ஊர்களை கொடையாக தந்துள்ளார்.

முத்து வணங்காமுடித் தொண்டைமான் (பொ. ஆ-1739)

சிதம்பர வணங்காமுடித் தொண்டைமான் மகன் முத்து வணங்காமுடித் தொண்டைமான். 1739 ஆம் ஆண்டு பெருவயல் இமுருகன் கோவிலின் பூசை அபிடேகம், நைவேத்தியம் திருவிளக்கு கட்டளைகட்காக குடியூர், சிந்தாமணி ஏந்தல் ஆகிய ஊர்களை மராட்டிய மன்னர் பிரதாப்சிங் அவர்களின் நலத்தின் பொருட்டு மேலும் இவர் தந்தை தாய் நலம் வேண்டி இந்த கொடையை வழங்கியுள்ளார். 1740 ஆம் ஆண்டு திருவாரூர் தியாகராஜர் கோயிலுக்கு நாட்டாணி என்ற ஊரை கொடையாக வழங்கியுள்ளார்

விசய அருணாச்சல வணங்காமுடித் தொண்டைமான் (பொ. ஆ-1759)

ஆண்டவராயா வணங்காமுடி தொண்டைமான் மகன் விசய அருணாச்சல வணங்காமுடித் தொண்டைமான். இவர் தன் ஆட்சிக்கு உட்பட்ட நிலங்களை வைகை நாட்டில் உள்ள கிறிஸ்த்துவர்களான ராயப்பத்தேவர் மகன் அந்தோணி முத்து தேவருக்கு நிலத்தை விற்பனைசெய்துள்ளார்.

மேலும் இவர்கள் அறந்தாங்கி தொண்டைமான்கள் மகன்கள் மற்றும் சகோதர்கள் சில பகுதியின் பொறுப்பாளராக இருந்துள்ளனர். அவர்கள்

வளர்த்து வாழ்வித்த பெருமாள் தொண்டைமான்

விக்ரம பாண்டியத் தொண்டைமான்

குலசேகர தொண்டைமான்

மழவல்லப் பெருமாள் தொண்டைமான்

தீராவினை தீர்த்தான் தொண்டைமான்

தியாகராசர் நரச நாயக்கத் தொண்டைமான்

குறிப்பு:

1) புதுக்கோட்டை தொண்டைமான் இவர்களின் காழ்வழியினர். ஆவுடையார் இருவருக்கும் பொது தெய்வம்.


2) புதுக்கோட்டை தொண்டைமான் மன்னர்களில் பலர் திருமால் என்றும், அறந்தாங்கி தொண்டைமான் மன்னர்களில் பலர் பெருமாள் என்றும் பெயர் தாங்கியவர்கள்.

3) புதுக்கோட்டை தொண்டைமான் இந்திரகுலம் என்றும், அறந்தாங்கி தொண்டைமான் தங்களை இந்திரன் ஏழடி கொண்டவன் என்றும் கூறிக்கொள்கின்றர்.

4) அறந்தாங்கி வணங்காமுடி தொண்டைமான் வழியினரே , பாளையவனம் வணங்காமுடி பண்டாரத்தார் அரையன்கள்.

5) இன்றும் அறந்தாங்கி, புதுக்கோட்டை தொண்டைமான் வழியினர் இந்த பகுதியில் கள்ளர் குலத்தில் வாழ்ந்து வருகின்றனர்.

6) சிவகங்கை பட்டமங்கலத்தில் வாழ்ந்து வருகின்ற தொண்டைமான்கள் , அறந்தாங்கி தொண்டைமான்களையே தங்களது முன்னோராக கூறிக்கொள்கின்றனர். (இலங்கை மலையக தந்தையும் அமரர். சௌமிய மூர்த்தி தொண்டமான் )

நன்றி:

உயர்திரு. புலவர் செ. இராசு

நூல் : அறந்தாங்கி தொண்டைமான்

கண்ணதாசன் பார்வையில் கள்ளர்கள்

வேலும் வாழும் தங்கிய மறவர் வீழ்ந்ததும் கிடையாது! எக்குலத் தோரும் ஏற்றிப்புகழ்வது எங்கள் பெருமையடா! எம் முக்குலத்தோர்க்கே உலகில் உவமை க...